ដាំកូនឈើប្រភេទឈើប្រណិតនៅមជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន

ខេត្តសៀមរាប៖ នាព្រឹកថ្ងៃអង្គារ ១០កើត ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី៣០ ខែមិថុនា ឆ្នាំ២០២០ នៅខេត្តសៀមរាបឯកឧត្តម ជា ចន្ទន៏ធូ អគ្គលេខាធិការរង និងលោកបណ្ឌិត ហាក់ ម៉ៅ បានដឹកនាំមន្ត្រីនាយកដ្ឋាននិងបុគ្គលិកគម្រោងធ្វើទស្សនកិច្ចសិក្សាទៅសួនកេសរកូលព្រៃ និងចូលរួមដាំកូនឈើបេងចំនួនប្រមាណ 50ដើម នៅមជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន ដោយមានការចូលរួមពីមន្ត្រីមន្ទីរបរិស្ថាននិងឧទ្យានុរក្សខេត្តសៀមរាបនិង មន្ត្រីតំណាងកម្មវិធីអភិវឌ្ឍន៍សហប្រជាជាតិសរុបចំនួន 50នាក់ ក្នុងនោះស្ត្រីចំនួន ១៦នាក់។