ក្រសួងបរិស្ថាននឹងរៀបចំផែនការសកម្មជាតិសម្រាប់កាត់បន្ថយសំរាមសុទ្រនៅកម្ពុជានិង​ក្របខណ្ឌអាស៊ាន

នៅព្រឹកថ្ងៃទី២0 ខែឧសភា ឆ្នាំ២០២២ នាយកដ្ឋានសេដ្ឋកិច្ចបៃតង នៃអគ្គនាយកដ្ឋានគោល​នយោបាយនិង​យុទ្ធសាស្ត្រ​សហការជាមួយ IGES IDEA Consultant Inc. បានរៀបចំសិក្ខាសាលា​សម្ពោធគម្រោង និងប្រកាស​ដាក់​ឱ្យដំណើរការគម្រោង គាំទ្រការរៀបចំផែនការសកម្មភាពជាតិ កាត់បន្ថយសំរាមសមុទ្រនៅកម្ពុជា ដោយមានការគាំទ្រពីលេខាធិការដ្ឋានអាស៊ាន និងរាជរដ្ឋាភិបាលជប៉ុន ក្រោមអធិបតីភាពលោក​ជំទាវ ចាន់ សុម៉ាលី​ អនុរដ្ឋលេខាធិការក្រសួងបរិស្ថាន តំណាងឯកឧត្តមសាយ សំអាល់ រដ្ឋមន្ត្រីក្រសួងបរិស្ថាន និង​ឯកឧត្តម Mikami Masahiro ​ឯកអគ្គ​រាជទូត ប្រទេសជប៉ុន​ប្រចាំ​នៅកម្ពុជា និង​សមាជិកមកពីអន្តរក្រសួងស្ថាប័នរាជរដ្ឋាភិបាល រដ្ឋបាលថ្នាក់ក្រោមជាតិខេត្ត​កោះកុង កំពត កែប និង​ខេត្ត​ព្រះសីហនុ ដៃគូអភិវឌ្ឍ អង្គការជាតិ និង​អន្តរជាតិ​ ចូលរួមចំនួន ៨៥​នាក់។ សិក្ខាសាលាបានឯកភាពគ្នា​រៀបចំផែនការសកម្ម​ភាពជាតិសម្រាប់កាត់​បន្ថាយ​សំរាមសមុទ្រ​ដោយ​មាន​សង្គតិភាពជាមួយផែនកា​រ​យុទ្ធសាស្ត្រ​ជាតិដែលមានស្រាប់ដូចជា ដូចជា ក្របខណ្ឌគោលដៅអភិវឌ្ឍន៍​ប្រកប​ដោយ​ចីរភាព ផែនការ​យុទ្ធសាស្ត្រ​អភិវឌ្ឍន៍​ជាតិ យុទ្ធសាស្ត្រជាតិសេដ្ឋកិច្ចចក្រា និង​ការរំពឹងទុក​នៃកិច្ចព្រមព្រៀងការ​បំពុល​ពីប្លាស្ទិចដែលត្រូវចរចា​នៅឆ្នាំ២០២៤។ ការរៀបចំផែនការ​សកម្មភាពនេះ​នឹងរំពឹងថា នឹងបានជាសេចក្តីព្រៀងចុងក្រោយ​សម្រាប់ដាក់ចូលក្នុងកិច្ចប្រជុំអាស៊ាន​នៅចុងឆ្នាំ២០២២​នេះ។