កិច្ចប្រជុំបណ្តាញសហគមន៍អភិរក្សធនធានធម្មជាតិថ្នាក់តំបន់ខាងត្បូងបឹងទន្លេសាបនៅខេត្តកំពង់ស្ពឺ

ក្រសួងបរិស្ថាន នាថ្ងៃអង្គារ ៧កើត ភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ ខែសីហា ឆ្នាំ២០២០ បានរៀបចំកិច្ចប្រជុំ«បណ្តាញសហគមន៍អភិរក្សធនធានធម្មជាតិ»ថ្នាក់តំបន់ខាងត្បូងបឹងទន្លេសាប នៅសហគមន៍តំបន់ការពារធម្មជាតិចំបក់ នៃឧទ្យានជាតិសុរាម្រិត-ព្រះកុសុមៈ «គិរីរម្យ» ភូមិសាស្រ្តស្រុកភ្នំស្រួច ខេត្តកំពង់ស្ពឺ ក្រោមអធិបតីភាព ឯកឧត្តម ខៀវ បូរិន អគ្គនាយក នៃអគ្គនាយកដ្ឋានសហគមន៍មូលដ្ឋាន ក្រសួងបរិស្ងាន និងជាប្រធានសម្ព័ន្ធសហភាពសហគមន៍អភិរក្សធនធានធម្មជាតិថ្នាក់ជាតិ និងមានការចូលរួមពីថ្នាក់ដឹកនាំ មន្រ្តីរាជការក្រសួងបរិស្ថាន តំណាងក្រសួងស្ថាប័នពាក់ព័ន្ធ ប្រធាននិងសមាជិកបណ្តាញសហគមន៍អភិរក្សធនធានធម្មជាតិថ្នាក់តំបន់ខាងត្បូងបឹងទន្លេសាប តំណាងអង្គការដៃគូសហការ និងប្រជាសហគមន៍មួយចំនួន។ វេទិកានេះប្រព្រឹត្តទៅក្រោមប្រធានបទ «តួនាទីបណ្តាញ ក្នុងការចូលរួមគ្រប់គ្រងធនធានធម្មជាតិ» ដើម្បីបង្ហាញពីសកម្មភាពការងារ និងសមិទ្ធិផលដែលបណ្តាញសហគមន៍ កំណក់បញ្ហាប្រឈម និងស្វែងរកដំណោះស្រាយលើ​ការ​គ្រប់គ្រង​ សហគមន៍តំបន់ការពារធម្មជាតិ និងកំណត់ផែនការសកម្មភាពជាអាទិភាពសម្រាប់អនុវត្តបន្ត ។