សិក្ខាសាលាពិគ្រោះយោបល់ស្តីពី “សេចក្តីព្រាងអនុក្រឹត្យស្តីពីការប្រមូល និងការបែងចែកផលប្រយោជន៍ពីការប្រើប្រាស់ធនធានពន្ធុ (ABS) និងសេចក្តីព្រាងយុទ្ធសាស្រ្តប្រាស្រ័យទាក់ទង និងផែនការសកម្មភាពបញ្ជ្រាបយេនឌ័រពាក់ព័ន្ធនឹង ABS”

សិក្ខាសាលានេះមានការចូលរួមពីឯកឧត្តម ង៉ាន់ ភិរុណ អភិបាលរងខេត្តសៀមរាប សមាជិការក្រុមការងារបច្ចេកទេស ABS និងយេនឌ័រ​ ក្រសួងបរិស្ថាន​ តំណាងក្រសួងស្ថាប័ន-មន្ទីរពាក់ព័ន្ធ កម្មវិធីអភិវឌ្ឍន៍សហប្រជាជាតិ (UNDP) ទីប្រឹក្សាគម្រោងជាតិ-អន្តរជាតិ សហគមន៍តំបន់ការពារធម្មជាតិ យុវជន និស្សិត សរុបប្រមាណ១១០នាក់ ក្នុងគោលបំណងដើម្បីពិនិត្យ ពិភាក្សា និងផ្តល់ធាតុចូលលើ៖ ១.សេចក្តីព្រាងអនុក្រឹត្យស្តីពី ABS ២.សេចក្តីព្រាងយុទ្ធសាស្ត្រប្រាស្រ័យទាក់ទង និង ៣.ចែករំលែកព័ត៌មានអំពីទំនាក់ទំនងយេនឌ័រ និងទស្សនទានស្តីពី ABS និងចំណេះដឹងជាប្រពៃណីពាក់ព័ន្ធ រួមទាំងតួនាទីរបស់ស្ត្រីលើកិច្ចការពារបរិស្ថាន និងអភិរក្សធនធានជីវៈចម្រុះ។

ជាលទ្ធផល អង្គសិក្ខាសាលាបានពិនិត្យ ពិភាក្សា និងផ្តល់យោបល់លើសេចក្តីព្រាងអនុក្រឹត្យស្តីពី ABS ដោយផ្តោតសំខាន់អំពី៖ ១.នីតិវិធីដើម្បីទទួលបានលិខិតអនុញ្ញាតឱ្យប្រមូលធនធានពន្ធុ​ (Access Permit) រួមទាំងការព្រមព្រៀងដោយទទួលបានព័ត៌មានគ្រប់គ្រាន់ជាមុន (PIC) និងការបង្កើតលក្ខខណ្ឌឯកភាពរួម (MAT) រវាងអ្នកប្រើប្រាស់និងអ្នកផ្ត​ល់​

ដេីម្បីធានាបាននូវការចែករំលែកផលប្រយោជន៍ពីការប្រេីប្រាស់ធនធាន​ពន្ធុ​ និងចំណេះដឹងជាប្រពៃពាក់ព័ន្ធដោយសមភាព​ និងសមធម៌​ ២.តួនាទីនិងការកំណត់រយៈពេលរបស់ជនបង្គោលថ្នាក់ជាតិក្នុងការសម្របសម្រួលផ្តល់ព័ត៌មានដល់អ្នកប្រើប្រាស់និងអ្នកផ្តល់ ការដាក់បញ្ជូនឯកសារទៅអាជ្ញាធរមានសមត្ថកិច្ចជាតិ និងការពិនិត្យផ្ទៀងផ្ទាត់ឯកសារ MAT និង ៣.ការចូលរួមនិងសិទ្ធិសម្រេចរបស់អ្នកផ្តល់ឆ្លើយតបនឹងការអនុញ្ញាតឱ្យប្រមូលធនធានពន្ធុ និងការពន្យាសុពលភាពនៃលិខិតអនុញ្ញាតឱ្យប្រមូល។