កិច្ចប្រជុំបូកសរុបលទ្ធផលការងារបរិស្ថានទូទាំងខេត្តកំពង់ធំប្រចាំត្រីមាសទី១ និងទិសដៅអនុវត្តបន្ត
ថ្ងៃ សុក្រ, 10 ឧសភា, 2019នៅថ្ងៃទី១២ ខែមេសា ឆ្នាំ២០១៩ ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអញ្ជើញជាអធិបតីបើកកិច្ចប្រជុំបូកសរុបលទ្ធផលការងារបរិស្ថានទូទាំងខេត្តកំពង់ធំប្រចាំត្រីមាសទី១ និងទិសដៅអនុវត្តបន្ត ដោយមានការចូលរួមពីថ្នាក់ដឹកនាំមន្ទីរបរិស្ថាន មន្រ្តីរាជការ និងឧទ្យានុរក្សជាច្រើននាក់។
វេទិកានេះរៀបចំឡើងដោយមានការបង្ហាញរបាយការណ៍បូកសរុបលទ្ធផលការងារប្រចាំត្រីមាសទី១ ដែលកើតមានឡើងក្នុងតំបន់ការពារធនធានធម្មជាតិ តំបន់ព្រៃឡង់ សហគមន៍មូលដ្ឋាន និងកិច្ចគាំពារបរិស្ថានក្នុងខេត្តកំពង់ធំទាំងមូល និងបញ្ហាប្រឈមមួយចំនួន ហើយទន្ទឹមនឹងនោះលោកប្រធានមន្ទីរក៏បានជម្រាបជូនឯកឧត្តមប្រធានជ្រាបផងដែរថាធនាគារអភិវឌ្ឍន៍អាស៊ីបានឯកភាពផ្តល់នូវទីលានចាក់សំរាមមួយកន្លែងដែលមានទំហំដីប្រមាណពី ១០-២០ ហិកតា និងបានសាសង់អាងប្រព្រឹត្តកម្មទឹកកខ្វក់មួយផងដែរដើម្បីប្រើប្រាស់នៅក្រុងស្ទឹងសែន ក្រោមគម្រោងកែលម្អរសោភ័ណ្ឌភាពទីប្រជុំជនជំហ៊ានទី២ ថ្នាក់ជាតិដែលមានក្រសួងសាធារណៈការជាម្ចាស់គម្រោង។
ឯកឧត្តម សៅ សុភាព បានថ្លែងអំណរគុណដល់ថ្នាក់ដឹកនាំមន្ទីរ និងមន្រ្តីរាជការទាំងអស់ដែលបានខិតខំយកចិត្តទុកដក់ប្រឹងប្រែងធ្វើការងារអស់ពីកម្លាំងកាយចិត្តនិងទទួលបានលទ្អផលគួរជាមោទន។ឯកឧត្តមរដ្ឋលេខាធិការបានលើកទឹកចិត្តឱ្យមន្ទីរបរិស្ថាន បន្តដឹកនាំគ្រប់គ្រងកិច្ចគាំពារបរិស្ថាន ការអភិរក្សជីវៈចម្រុះអោយមានប្រសិទ្ធភាព មានសាមគ្គីភាពផ្ទៃក្នុងដើម្បីអោយការងារទទួលបានជោគជ័យ និងបានណែនាំអោយមន្រ្តីទទួលបន្ទុកកិច្ចគាំពារបរិស្ថានអោយពិនិត្យឡើងវិញនិងអនុវត្តនូវអនុក្រិត្យ១១៣ អោយមានប្រសិទ្ធិភាព និងសំណូមពរដល់មន្រ្តីឧទ្យានុរក្សទាំងអស់អោយមានការប្រុងប្រយ័ត្រក្នុងការងារល្បាត និងបន្តខិតខំបំពេញការងារអោយកាន់តែមានប្រសិទ្ធភាពនិងប្រសិទ្ធិផល៕
ព័ត៌មានបន្ថែម
ថ្ងៃ សុក្រ, 6 វិច្ឆិកា, 2026
រដ្ឋមន្រ្តីក្រសួងបរិស្ថាន៖ ផ្ទះស្អាតមានសិរីសួស្តី មានសុភមង្គល និងគ្មានជំងឺ
