ក្រសួង ប្រជុំពិនិត្យលើសេចក្តីព្រាងប្រកាស ស្តីពីការដាក់ឱ្យអនុវត្តវិធានការស្វ័យត្រួតពិនិត្យការបំពុលបរិស្ថាន
ថ្ងៃ ព្រហស្បតិ៍, 6 កក្កដា, 2017
ឯកឧត្តម អ៊ាង សុផល្លែត អនុរដ្ឋលេខាធិការ នៅថ្ងៃទី០៦ ខែកក្កដានេះ បានដឹកនាំកិច្ចប្រជុំដើម្បីពិនិត្យ និងសម្រេចលើសេចក្តីព្រាងប្រកាសស្តីពី “ការដាក់ឱ្យអនុវត្តវិធានការស្វ័យត្រួតពនិត្យការបំពុលបរិស្ថាន”។ កិច្ចប្រជុំដែលរៀបចំឡើងដោយ អគ្គនាយកដ្ឋានគាំពារបរិស្ថានសំដៅត្រួតពិនិត្យលើខ្លឹមសារជាលើកចុងក្រោយលើសេចក្តីប្រកាសមុនពេលដាក់ជូនឯកឧត្តមរដ្ឋមន្ត្រីសម្រេចជាលើកចុងក្រោយ។ សេចក្តីប្រកាសនេះ មានចំនួន២៤ប្រការ មានគោលបំណងពង្រឹងការអនុវត្តវិធានការទប់ស្កាត់ និងកាត់បន្ថយការបំពុលបរិស្ថានពីប្រភពរោងចក្រដែលមានសក្តានុពលបរិស្ថានខ្លាំង សំដៅធានាបានការការពារសុខភាពសាធារណៈ និងគុណភាពបរិស្ថាន។
សេចក្តីប្រកាសនេះ មានគោលដៅជំរុញការអនុវត្តការបំពាក់ ឧបករណ៍ស្វ័យប្រវត្តិសម្រាប់វាស់ស្ទង់បរិមាណសំណល់ និងសារធាតុបំពុលមាននៅក្នុងសំណល់ដែលត្រូវបញ្ចេញចោល ហើយនិងជំរុញការអនុវត្តស្វ័យវិភាគសំណល់ដែលត្រូវបញ្ចេញចោល និងគុណភាពបរិស្ថាននៅក្នុងនិងក្រៅបរិវេណរោងចក្រ។
បន្ថែមពីនេះ ប្រកាសនេះ នឹងបង្កើនការតាមដាន និងត្រួតពិនិត្យលើសកម្មភាពនិងដំណើរការគ្រប់គ្រង ប្រព្រឹត្តកម្ម និងការបញ្ចេញចោលសំណល់ ឬសារធាតុបំពុល ហើយនឹងជំរុញការអនុវត្តស្វ័យរាយការណ៍អំពីការគ្រប់គ្រង និងការបញ្ចេញចោលសំណល់ ឬសារធាតុបំពុល រួមទាំងជំរុញឱ្យមានការចូលរួមពីម្ចាស់រោងចក្រក្នុងការអនុវត្តវិធានការទប់ស្កាត់ និងការកាត់បន្ថយការបំពុលបរិស្ថាន៕
ដោយ៖ ស៊ុន មេសា
ព័ត៌មានបន្ថែម
ថ្ងៃ ព្រហស្បតិ៍, 6 វិច្ឆិកា, 2025
ក្រសួងបរិស្ថានបានទប់ស្កាត់ការបំពុលបរិស្ថាន តាមរយៈការបញ្ចេញសំណល់រាវពីសហគ្រាស និងរោងចក្រនានា បានចំនួនជិត១៦លានម៉ែត្រគូប
