ក្រសួងជំនាញចំនួន៣កំពុងពិភាក្សាបង្កើតគណៈកម្មាធិការសម្រាប់ភាពស៊ាំនឹងឱសថប្រឆាំងមេរោគ

កិច្ចប្រជុំក្រុមការងារបច្ចេកទេសភាពស៊ាំនឹងឱសថប្រឆាំងមេរោគ (AMR Working Group)រៀបចំដោយក្រសួងសុខាភិបាល ដើម្បីពិនិត្យពិភាក្សាលើសេចក្តីព្រាងសម្រេចស្តីពីការបង្កើតគណៈកម្មាធិការសម្របសម្រួលអន្តរក្រសួង (ក្រសួងបរិស្ថាន ក្រសួងសុខាភិបាល និងក្រសួងកសិកម្ម រុក្ខាប្រមាញ់និងនេសាទ) សម្រាប់ភាពសាំនៃឱសថប្រឆាំងមេរោគ ។ លោកស្រី មាស ច័ន្ទធីតា អគ្គនាយករងនៃអគ្គនាយកដ្ឋានចំណេះដឹងនិងព័ត៌មានបរិស្ថាន និងជាអនុប្រធានក្រុមការងារ AMR នៃវិស័យបរិស្ថាន និងមន្រ្តីជំនាញនៃនាយកដ្ឋានគ្រប់គ្រងសារធាតុគ្រោះថ្នាក់ បានចូលរួមក្នុងកិច្ចប្រជុំ នាថ្ងៃទី១១ ខែតុលា ឆ្នាំ២០២១ នៅរាជធានីភ្នំពេញ។