ក្រសួងបរិស្ថាន៖ ការចុះផ្សាយរបស់កាសែតភ្នំពេញប៉ុស្តិ៍ អំពីអត្រានៃការបាត់បង់ព្រៃឈើនៅកម្ពុជា មានចេតនាទុច្ចរឹត្ត បង្កការភ័ន្តច្រឡំ និងមានរបៀបវារៈនយោបាយនៅពីក្រោយ
ថ្ងៃ អង្គារ, 10 តុលា, 2017ក្រសួងបរិស្ថាន នៅថ្ងៃទី១០ ខែតុលា ឆ្នាំ២០១៧នេះ សូមច្រានចោលនូវការចុះផ្សាយរបស់កាសែតភ្នំពេញប៉ុស្តិ៍ នៅថ្ងៃទីអង្គារនេះ ចំពោះអត្ថបទមួយដែលដាក់ចំណងជើងថា «អត្រានៃការបាត់បង់គម្របព្រៃឈើនៅកម្ពុជាក្នុងឆ្នាំ២០១៦»។
ការចុះផ្សាយនេះមានចេតនាទុច្ចរឹតត បង្កការភ័ន្តច្រឡំ និងមានរបៀបវារៈនយោបាយនៅពីក្រោយរបាយការណ៍មិនពិត ទាក់ទងនឹងគម្របព្រៃឈើ។ ក្រសួងបរិស្ថានបានចាត់ទុកថា ការចុះផ្សាយនៅក្នុងអត្ថបទនេះ ជាការបំផ្លើសការពិត។ ក្រសួងបញ្ជាក់ថា ខ្លួនមិនបានផ្តល់តួលេខទិន្នន័យធនធានគម្របព្រៃឈើឆ្នាំ២០១៦ តែតាមការពិតក្រសួងបរិស្ថាន បានធ្វើការផ្សាយនូវតួលេខទិន្នន័យគម្របព្រៃឈើឆ្នាំ២០១៦ រួចហើយ។
បន្ថែមពីនេះ ក្រសួងបានបញ្ជាក់ទៀតថា អ្នកជំនាញបច្ចេកទេសបកស្រាយគម្របព្រៃឈើរបស់ក្រសួងបរិស្ថានបានធ្វើបទបង្ហាញអំពីវិធីសាស្រ្ត នៃការវាយតម្លៃធនធានគម្របព្រៃឈើនៅកម្ពុជា តាំងពីឆ្នាំ២០០២ ដល់ឆ្នាំ២០១៦ ជូនដល់សារព័ត៌មានឈ្មោះ Shaun Turton របស់កាសែតភ្នំពេញប៉ុស្តិ៍ រួចហើយ កាលពីថ្ងៃទី២៤ ខែសីហា ឆ្នាំ២០១៧ កន្លងមក៕
ព័ត៌មានបន្ថែម
