កម្មវិធីប្រកួតប្រជែងប្រសិទ្ធភាពថាមពលកម្ពុជា
ថ្ងៃ សុក្រ, 29 មេសា, 2022ការកាត់បន្ថយការប្រើប្រាស់ថាមពលនៅក្នុងអគារ គឺជាគន្លឹះសំខាន់មួយក្នុងការចូលរួមកាត់បន្ថយការប្រែប្រួលអាកាសធាតុ ដែលបង្កឡើងដោយការបញ្ចេញឧស័្មនផ្ទះកញ្ចក់ទៅក្នុងបរិយាកាស។ បច្ចុប្បន្ននេះ មានការអនុវត្តល្អៗនិងឧបករណ៍គ្រប់គ្រាន់សម្រាប់កាត់បន្ថយឧស្ម័នផ្ទះកញ្ចក់ ដូចជាទម្លាប់កាត់បន្ថយការប្រើប្រាស់ថាមពល ប្រើប្រាស់ឧបករណ៍ដែលមានប្រសិទ្ធភាពថាមពលខ្ពស់ ឬក៏ថាមពលកកើតឡើងវិញ។
កម្មវិធីប្រកួតប្រជែងប្រសិទ្ធភាពថាមពលកម្ពុជាគឺការប្រកួតប្រជែងដែលមានភាពច្នៃប្រឌិតខ្ពស់ក្នុងការស្វែងរកអគារដើម្បីបង្កើនប្រសិទ្ធភាពថាមពលតាមរយៈការផ្លាស់ប្តូរឥរិយាបថអ្នកប្រើប្រាស់ ការស្រាវជ្រាវការលេងល្បែងកំសាន្តដែលបង្ហាញពីប្រសិទ្ធភាពថាមពល ។ល។ គោលបំណងនៃការប្រកួតប្រជែងគឺដើម្បីបង្កើនការយល់ដឹង ការទទួលខុសត្រូវ ការច្នៃប្រឌិត និងការចូលរួមក្នុងចំណោមអ្នកពាក់ព័ន្ធអំពីប្រសិទ្ធភាពថាមពល និងដោះស្រាយបញ្ហាការប្រែប្រួលអាកាសធាតុ។
កម្មវិធីប្រកួតប្រជែងនេះគាំទ្រដោយកម្មវិធីសម្ព័ន្ធភាពប្រែប្រួលអាកាសធាតុកម្ពុជា នាយកដ្ឋានប្រែប្រួលអាកាសធាតុ នៃអគ្គនាយកដ្ឋានគោលនយោបាយនិងយុទ្ធសាស្រ្ត ក្រសួងបរិស្ថាន សហការជាមួយ Schneider Electric។ មកទល់នឹងពេលនេះ មានអគារមកពីក្រុមហ៊ុនល្បីៗចំនួន១៤ បានចូលរួមប្រកួតប្រជែងក្នុងគោលបំណងលើកកម្ពស់ចំណេះដឹង និងកាអនុវត្តល្អៗទាក់ទងប្រសិទ្ធភាពថាមពលនៅកម្ពុជា។
សូមចូលទៅក្នុងតំណភ្ជាប់ដើម្បីដោនឡូតឯកសារស្តីពីការប្រកួតប្រជែងប្រសិទ្ធភាពថាមពល៖
https://ncsd.moe.gov.kh/…/cambodia-energy-efficiency…
«ចូលរួមទាំងអស់គ្នាដើម្បីប្រសិទ្ធភាពថាមពលនៅកម្ពុជា និងដោះស្រាយបញ្ហាការប្រែប្រលអាកាសធាតុ»
#Cambodia Energy Efficiency Competition
ព័ត៌មានបន្ថែម
ថ្ងៃ អង្គារ, 7 កក្កដា, 2026
កម្ពុជាប្រកាសដាក់ឱ្យប្រើជាផ្លូវការនូវ «យុទ្ធសាស្ត្រ ការទូតបរិស្ថានកម្ពុជា ឆ្នាំ២០២៦–២០៣០»
