កិច្ចប្រជុំផ្សព្វផ្សាយ ណែនាំអំពីដំណើរការវាយតម្លៃ និងទទួលស្គាល់អង្គភាពគំរូក្នុងវិស័យបរិស្ថាន ឆ្នាំ២០២២
ថ្ងៃ ចន្ទ, 30 ឧសភា, 2022ឯកឧត្តម ផៃ ប៊ុនឈឿន រដ្ឋលេខាធិការប្រចាំការ បានដឹកនាំកិច្ចប្រជុំផ្សព្វផ្សាយ ណែនាំអំពីដំណើរការវាយតម្លៃ និងទទួលស្គាល់អង្គភាពគំរូក្នុងវិស័យបរិស្ថាន ឆ្នាំ២០២២ ដោយមានការចូលរួមពីឯកឧត្តម លោកជំទាវ លោក លោកស្រី អនុប្រធាន សមាជិកគណៈកម្មាធិការវាយតម្លៃអង្គភាពគំរូ ក្នុងវិស័យបរិស្ថាន អគ្គនាយក អគ្គនាយកស្តីទី អគ្គនាយករង អគ្គាធិការ ខុន្ទកាល័យ លោក លោកស្រីប្រធាននាយកដ្ឋាន និងមន្ទីរពិសោធន៍ ជាច្រើនរូប នារសៀលថ្ងៃទី៣០ ខែឧសភា ឆ្នាំ២០២២។
កិច្ចប្រជុំធ្វើឡើងក្នុងគោលបំណងធ្វើបទបង្ហាញដល់អង្គភាពពាក់ព័ន្ធអំពីវឌ្ឍភាពនីតិវិធីនៃការអនុវត្ត ដំណើរការ ការរៀបចំ និងនីតិវិធីអនុវត្តការប្រឡងប្រណាំងការជ្រើសរើស និងការសម្រេចលទ្ធផលការវាយតម្លៃ និងទទួលស្គាល់អង្គភាពគំរូក្នុងវិស័យបរិស្ថាន ឆ្នាំ២០២២។
ជាមួយគ្នានេះ ឯកឧត្តមប្រធាន បានណែនាំ និងជំរុញឱ្យមានការចូលរួមដោយស្មារតីទទួលខុសត្រូវ ស្របតាមផែនទីការងារ និងរចនាសម្ព័ន្ធដឹកនាំរបស់ក្រសួងបរិស្ថាន និងសូមឯកឧត្តម លោកជំទាវ លោក លោកស្រី នាំយកព័ត៌មានកិច្ចប្រជុំនាថ្ងៃនេះ ជម្រាបជូនប្រធានអង្គភាព និងមន្ត្រីក្នុងអង្គភាពរបស់ខ្លួន ដើម្បីការចូលរួមក្នុងកិច្ចការនេះ ឱ្យបានទទួលភាពជោគជ័យ និងប្រសិទ្ធភាពខ្ពស់៕
ព័ត៌មានបន្ថែម
ថ្ងៃ ពុធ, 24 មិថុនា, 2026
រដ្ឋមន្រ្តីក្រសួងបរិស្ថានគាំទ្រយ៉ាងពេញទំហឹង ចំពោះគម្រោងវិនិយោគ ដែលជួយដល់នរន្តរភាពបរិស្ថាននៅកម្ពុជា
ថ្ងៃ ព្រហស្បតិ៍, 11 មិថុនា, 2026
គណៈកម្មាធិការបានពិនិត្យលើការពង្រឹងការគ្រប់គ្រងសំរាម សំណល់រឹងទីប្រជុំជន នៅក្នុងខេត្តព្រះសីហនុ និងកោះកុង
