ពិធីដាក់ឱ្យដំណើរការគម្រោងស្ដីពី “ពន្លឿននវានុវត្តន៍ និងសហគ្រិនភាព បច្ចេកវិទ្យាស្អាត ក្នុងធុរកិច្ចថ្មី និងសហគ្រាសធុនតូច និងមធ្យមនៅកម្ពុជា – GCIP Cambodia ”
ថ្ងៃ ពុធ, 25 មករា, 2023មជ្ឈមណ្ឌលបណ្ដុះធុរកិច្ចថ្មី ”តេជោ” បានរៀបចំពិធីដាក់ឱ្យដំណើរការគម្រោងស្ដីពី “ពន្លឿននវានុវត្តន៍ និងសហគ្រិនភាព បច្ចេកវិទ្យាស្អាត ក្នុងធុរកិច្ចថ្មី និងសហគ្រាសធុនតូច និងមធ្យមនៅកម្ពុជា – GCIP Cambodia ”ក្រោមអធិបតីភាពឯកឧត្តម ទិន ពន្លក រដ្ឋលេខាធិការក្រសួងបរិស្ថាន និងជាអនុប្រធាននៃគណៈកម្មការតម្រង់ទិសគម្រោង។
ពិធីនេះបានរៀបចំឡើងក្នុងគោលបំណងដាក់ឱ្យដំណើរការគម្រោងផ្សព្វផ្សាយអំពីទិដ្ឋភាពនៃគម្រោងសៀវភៅមគ្គុទ្ទេសរបស់កម្មវិធីពន្លឿនអជីវកម្ម GCIP បង្ហាញពីសក្ដានុពលនៃការគាំទ្រក្នុងបច្ចេកវិទ្យាស្អាតពីដៃគូពាក់ព័ន្ធ និងមានការចែករំលែកបទពិសោធន៍របស់ធុរកិច្ចថ្មី ក្នុងបច្ចេកវិទ្យាស្អាត។
ឯកឧត្តម ទិន ពន្លក បានមានប្រសាសន៍ក្នុងពិធីបើកថា រាជរដ្ឋាភិបាលកម្ពុជា បាននិងកំពុងយកចិត្តទុកដាក់យ៉ាងខ្លាំងក្នុងការអភិវឌ្ឍបច្ចេកវិទ្យាស្អាត ការអភិវឌ្ឍសហគ្រិនភាព និងការទទួលបានហិរញ្ញប្បទានបៃតង ដើម្បីប្រកួតប្រជែងជាមួយប្រទេសផ្សេងៗ និងដើម្បីឈានទៅរកការសម្រេចបានទស្សនវិស័យឆ្នាំ២០៥០ ឱ្យក្លាយជាប្រទេសមានចំណូលខ្ពស់។ ជាក់ស្តែង រាជរដ្ឋាភិបាលកម្ពុជាបានដាក់ឱ្យប្រើប្រាស់យុទ្ធសាស្រ្តរយៈពេលវែងដើម្បីអព្យាក្រឹត្យកាបូន គោលនយោបាយអភិវឌ្ឍន៍ឧស្សាហកម្ម និងគោលនយោបាយអភិវឌ្ឍន៍ឌីជីថល ក្នុងចំណោមគោលនយោបាយ និងផែនការយុទ្ធសាស្រ្តផ្សេងៗទៀត ព្រមទាំងយន្តការស្ថាប័នសំខាន់ៗមួយចំនួនផងដែរ៕
ព័ត៌មានបន្ថែម
ថ្ងៃ អង្គារ, 7 កក្កដា, 2026
កម្ពុជាប្រកាសដាក់ឱ្យប្រើជាផ្លូវការនូវ «យុទ្ធសាស្ត្រ ការទូតបរិស្ថានកម្ពុជា ឆ្នាំ២០២៦–២០៣០»
