ទាព្រៃស្លាបស White-winged Duck
ថ្ងៃ ពុធ, 12 មេសា, 2023ទាព្រៃស្លាបស៖ មានឈ្មោះវិទ្យាសាស្ត្រ Asarcomis scutulata ជាប្រភេទសត្វជិតផុតពូជ(EN) លើពិភពលោក ក្នុងបញ្ជីក្រហម IUCN មានវត្តមានពេញមួយឆ្នាំនៅប្រទេសកម្ពុជាយើង ភាគច្រើននៅខេត្តព្រះវិហា និងភូមិភាគឦសានប្រទេស ច្រើនរស់នៅតាមដងទន្លេ បឹង អូរ ត្រពាំង ក្នុងព្រៃពាក់កណ្ដាលស្រោង ព្រៃស្រោង និងព្រៃជាំ។
វាមានមាឌធំ ដងខ្លួនពណ៌ត្នោតចាស់ ក្បាល និងកពណ៌ស លាយខ្មៅអុជៗ ចំពុះលឿងជាំ។ ពេលវាហើរគម្របស្លាបក្រោម និងខាងលើបង្ហាញ ពណ៌សច្បាស់ សត្វញីភាគច្រើនតូចជាងឈ្មោល និងមានពណ៌ស្រដៀងឈ្មោលដែរ ជួនកាលវារក ស៊ីពេលយប់ ដេកលើទ្រនំខ្ពស់ៗ និងធ្វើសំបុកនៅតាមរន្ធឈើក្នុងព្រៃក្បែ ស្ទឹង ព្រែក អូរ បឹង ត្រពាំង ហើយតែងតែជម្រុះរោមនៅដើមរដូវប្រាំងជារៀងរាល់ឆ្នាំ។
វាមានចំនួនតែប្រមាណ ៨០០ក្បាល ប៉ុណ្ណោះ ដែលមានវត្តមាននៅទូទាំងពិភពលោក និងត្រូវបានគេកត់ត្រាមានវត្តមានរស់នៅ និងបន្តពូជ ក្នុងតំបន់ដែនជម្រកសត្វព្រៃគូលែនព្រហ្មទេព ខេត្តព្រះវិហារ ប្រទេសកម្ពុជាយើង៕
