ឯកឧត្តមបណ្ឌិត អ៊ាង សុផល្លែត អញ្ជើញចូលរួមក្នុងវេទិកាកិច្ចសហប្រតិបត្តិការបរិស្ថានអាស៊ាន-ចិន ឆ្នាំ២០២៦ នៅទីក្រុងសៀងហៃ ប្រទេសចិន

នៅក្នុងការបំពេញទស្សនកិច្ចក្នុងប្រទេសចិន ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានកម្ពុជា បានដឹកនាំប្រតិភូ អញ្ជើញចូលរួមក្នុងវេទិកាកិច្ចសហប្រតិបត្តិការបរិស្ថានអាស៊ាន-ចិន ឆ្នាំ២០២៦ ដែលប្រារព្ធឡើងនៅទីក្រុងស៊ាងហៃ នាថ្ងៃទី២៩ ខែមេសា ឆ្នាំ២០២៦។ វេទិកានេះ គឺយើងផ្ដោតទៅលើការកសាងសមត្ថភាព លើភាពធន់នឹងការប្រែប្រួលអាកាសធាតុ និងការកសាងទីក្រុងដែលមានការបញ្ចេញកាបូនតិច។

ក្នុងឱកាសនេះ ឯកឧត្តមរដ្ឋមន្រ្តីបានចូលរួមចែករំលែក អំពីការខិតខំប្រឹងប្រែងរបស់កម្ពុជា ស្របតាមគោលនយោបាយនិងយុទ្ធសាស្រ្តរបស់រាជរដ្ឋាភិបាលកម្ពុជា ក្នុងនោះកម្ពុជាបានបន្តដើរតួយ៉ាងសកម្មក្នុងកិច្ចសហប្រតិបត្តិការបរិស្ថាន ជាមួយអាស៊ាន និងចិន ដើម្បីដោះស្រាយបញ្ហាប្រឈមក្នុងតំបន់ និងសកលលោក ជាពិសេសលើការងារគ្រប់គ្រងបរិស្ថាននិងធនធានធម្មជាតិ និងការឆ្លើយតបនឹងការប្រែប្រួលអាកាសធាតុ។