កម្ពុជាលើកកម្ពស់ការអនុវត្តផែនការជាតិរួមចំណែកឆ្លើយតបនឹងការប្រែប្រួលអាកាសធាតុ លើកទី៣ (NDC 3.0) តាមរយៈការពង្រីកថាមពលស្អាត និងពង្រឹងសន្តិសុខថាមពល

នៅថ្ងៃទី១២ ខែវិច្ឆិកា ឆ្នាំ២០២៦ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចូលរួមព្រឹត្តិការណ៍កម្រិតខ្ពស់ «ថាមពលសម្រាប់អនាគត៖ បណ្តាញអគ្គិសនីដើម្បីសន្តិសុខថាមពល និងវិបុលភាព» ដែលដឹកនាំដោយឯកឧត្តម អង់តូនីញ៉ូ ហ្គូទែរ៉េស អគ្គលេខាធិការអង្គការសហប្រជាជាតិ ក្នុងក្របខណ្ឌ COP31 នៅទីក្រុងអង់តាលីយ៉ា ប្រទេសតួកគី។

ឯកឧត្តមរដ្ឋមន្ត្រីបានលើកឡើងថា ការពង្រីក និងធ្វើទំនើបកម្មបណ្តាញអគ្គិសនី ជាកត្តាសំខាន់សម្រាប់ជំរុញថាមពលកកើតឡើងវិញ និងអនុវត្តផែនការជាតិរួមចំណែកឆ្លើយតបនឹងការប្រែប្រួលអាកាសធាតុ លើកទី៣ (NDC 3.០) របស់កម្ពុជា ឆ្ពោះទៅសម្រេចអព្យាក្រឹតកាបូននៅឆ្នាំ២០៥០។