សិក្ខាសាលាស្ដីពី “ការពង្រឹងសមត្ថភាពលើសមភាពយេនឌ័រ និងគោលការណ៍ណែនាំដោយស្ម័គ្រចិត្តស្ដីពីអភិបាលកិច្ចប្រកបដោយការទទួលខុសត្រូវលេីការកាន់កាប់ដី ជលផល និងព្រៃឈើ ក្នុងបរិបទនៃសន្តិសុខស្បៀងជាតិ”

ថ្ងៃ ពុធ, 4 មិនា, 2020

នាព្រឹកថ្ងៃពុធ ខែផល្គុន ឆ្នាំកុរ ឯកស័ក ព.ស.២៥៦៣ ត្រូវនិងថ្ងៃទី០៤ ខែមីនា ឆ្នាំ២០២០ ឯកឧត្តម ស្រ៊ុន ដារិទ្ធិ រដ្ឋលេខាធិការ ក្រសួងបរិស្ថាន បានចូលជាអធិបតី បេីកសិក្ខាសាលាស្ដីពី “ការពង្រឹងសមត្ថភាពលើសមភាពយេនឌ័រ និងគោលការណ៍ណែនាំដោយស្ម័គ្រចិត្តស្ដីពីអភិបាលកិច្ចប្រកបដោយការទទួលខុសត្រូវលេីការកាន់កាប់ដី ជលផល និងព្រៃឈើ ក្នុងបរិបទនៃសន្តិសុខស្បៀងជាតិ” នៅសណ្ឋាគារអង្គរប៉ារ៉ាឌី ខេត្តសៀមរាប។

សិក្ខាសាលានេះ មានការចូលរួមពី លោកស្រី Louisa J.M Jansen. ប្រធានក្រុមការងារគម្រោងដីធ្លីប្រចាំតំបន់អាស៊ីប៉ាស៊ីហ្វិក និងតំណាងអង្គការ FAO ប្រចាំទីក្រុងរ៉ូម ឯកឧត្តម លោកជំទាវ លោក លោកស្រី ជាថ្នាក់ដឹកនាំក្រសួង និងមន្ត្រីរាជការ ស្ថាប័នពាក់ព័ន្ធនៅថ្នាក់ជាតិ និងថ្នាក់ក្រោមជាតិ ព្រមទាំងអង្គរការដៃគូសហការទាំងអស់ ដែលសិក្ខាសាលានេះ គ្រាំទ្រដោយ អង្គការ FAO និងមជ្ឈមណ្ឌលសហប្រតិបត្តិការ និងអភិវឌ្ឍន៍ប្រទេសស្វីស។

សិក្ខាសាលានេះក្នុងគោលបំណងដើម្បី បង្កើនសមត្ថភាពដល់អ្នកពាក់ព័ន្ធទាំងអស់នៅថ្នាក់ជាតិ និងថ្នាក់ក្រោមជាតិ អង្គការដៃគូ ដេីម្បីរួមចំណែកបន្ថែមក្នុងការលេីកកម្ពស់សុវត្ថិភាពនៃការគ្រប់គ្រង និងការប្រេីប្រាស់ដី ជលផល និងព្រៃឈើនៅកម្ពុជាឱ្យទទួលបាននូវសុខដុមនីយកម្មលេីគ្រប់វិស័យ តាមរយៈការលើកកម្ពស់សមភាពយេនឌ័រ ដែលធានាបាននូវសន្តិសុខស្បៀងសម្រាប់ប្រទេសជាតិ។