បន្តអនុវត្តតាមប្រសាសន៍ដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្រសួងបរិស្ថានផ្តល់ថវិកា USD ២០, ០០០ ដល់លោក បេន ដេវីស និងសហគមន៍តាបស ខេត្តព្រះវិហារ

ថ្ងៃ ព្រហស្បតិ៍, 2 មេសា, 2020

ថ្ងៃព្រហស្បតិ៍ ទី០២ ខែមេសា ឆ្នាំ២០២០

នៅឆ្នាំ២០១៩ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានប្រគល់ជូន លោកបេន ដេវីស នូវរថយន្ត pickup ចំនួន ០១គ្រឿង ម៉ូតូចំនួន០២គ្រឿង និងថវិកា USD ២០,០០០ ពីមូលនិធិបរិស្ថាន និងសង្គមនៃក្រសួងបរិស្ថាន។
ឆ្នាំ២០២០នេះ ក្រសួងបរិស្ថានបន្តអនុវត្តតាមប្រសាសន៍ដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្តល់ថវិកា ចំនួន USD ២០,០០០ (ម្ភៃពាន់ដុល្លារអាមេរិកគត់) សម្រាប់ឆ្នាំទី២ ដើម្បីលើកទឹកចិត្តដល់លោក បេន ដេវីស (BEN DEVIS) ចូលរួមជាមួយរាជរដ្ឋាភិបាលក្នុងការការពារ និងអភិរក្សធនធានធម្មជាតិនៅដែនជម្រកសត្វព្រៃ«ភ្នំត្នោត-ភ្នំពក»។

ឯកឧត្តម ខៀវ បូរិន អគ្គនាយកនៃអគ្គនាយកដ្ឋានសហគមន៍មូលដ្ឋាន មានប្រសាសន៍ថា ថវិកា USD២០,០០០ (ម្ភៃពាន់ដុល្លារអាមេរិកគត់) សម្រាប់ឆ្នាំទី២នេះ លោក BEN DEVIS ស្ថាបនិក BeTreed Adventure សហការជាមួយសហគមន៍តាបស នឹងបន្តអនុវត្តការងារដូចខាងក្រោម៖
១. បន្តជួសជុលផ្លូវលំ តភ្ជាប់ពីសហគមន៍មកដែនជម្រកសត្វព្រៃភ្នំត្នោត និងផ្លូវលំជុំវិញដែនជម្រកសត្វព្រៃដើម្បីងាយស្រួលល្បាត
២. រៀបចំកំណត់ទីតាំងក្នុងដែនជម្រកសត្វព្រៃ ដើម្បីដាក់ជាចំការពូជឈើនាងនួន និងដាំចំការនាងនួនថ្មីលើផ្ទៃដីចំនួន ៤ហិកតា ដែលទើបបានដោះដូរជាមួយប្រជាជន
៣. អនុវត្តការដោះដូរដីជាមួយប្រជាជនដែលមានចំការនៅក្នុងតំបន់ស្នូលនៃដែនជម្រកសត្វព្រៃភ្នំត្នោត-ភ្នំពក
៤. ធ្វើការល្បាតជាមួយសហគមន៍៕

ព័ត៌មានបន្ថែម

ថ្ងៃ ចន្ទ, 27 កក្កដា, 2026 កម្ពុជា និងជប៉ុន បន្តពង្រឹងកិច្ចសហប្រតិបត្តិការ លើច្បាប់ការពារបរិស្ថាន

ថ្ងៃ ចន្ទ, 27 កក្កដា, 2026 ទិវាអន្តរជាតិសម្រាប់ការអភិរក្សប្រព័ន្ធអេកូឡូស៊ីព្រៃកោងកាង ២៦ កក្កដា ២០២៦

ថ្ងៃ អាទិត្យ, 26 កក្កដា, 2026 An Open Letter from a Foreign Visitor to Cambodia