ឯកឧត្តម សាយ សំអាល់ ជួបសំណេះសំណាលជាមួយនិស្សិតអាហារូបករណ៍ JDS

នាឱកាសនេះ ឯកឧត្តមរដ្ឋមន្រ្តី មានប្រសាសន៍ លើកឡើងពីសារៈសំខាន់នៃការសិក្សា និងតួនាទីយុវជនដែលត្រូវខំប្រឹងប្រែងសិក្សា ហើយជាឱកាសដ៏ល្អអាចពង្រឹងជំនាញ និងចំណេះដឹង ដើម្បីចូលរួមអភិវឌ្ឍន៍ប្រទេសកម្ពុជា។ ឯកឧត្តម សាយ សំអាល់ បានលើកឡើងពីកត្តាសុខសន្តិភាព បាននាំឱ្យកម្ពុជាមានការីកចម្រើនរហូតដល់សព្វថ្ងៃ ហើយក្នុងនោះប្រជាពលរដ្ឋក៏មានការគិតគូខ្ពស់ជាងមុនចំពោះវិស័យបរិស្ថាន ជាពិសេសផ្នែកទេសចរណ៍ធម្មជាតិ កំពុងទទួលការទាក់ទាញកំណើនអ្នកទេសចរណ៍ទៅកម្សាន្តតាមតំបន់ធម្មជាតិនានា។