ឯកឧត្តម សាយ សំអាល់ បានអនុវត្តកិច្ចការចំនួន៥ចំណុចដើម្បីកសាងសមត្ថភាពមន្ត្រី
ថ្ងៃ ពុធ, 5 កក្កដា, 2017
ក្នុងការពង្រឹងសមត្ថភាពមន្ត្រីរាជការ ក្រសួងបរិស្ថានដែលមានឯកឧត្តម សាយ សំអាល់ជារដ្ឋមន្ត្រី បានដាក់ឱ្យអនុវត្តកិច្ចការងារចំនួន៥ចំណុចដើម្បីពង្រឹងសមត្ថភាពមន្រ្តីរាជាការឱ្យឆ្លើយតបទៅនឹងតម្រូវការការងារឱ្យកាន់តែមានប្រសិទ្ធភាព។ គោលការណ៍ទាំង៥ចំណុចនោះរួមមានទី១ ការដាក់ចេញគោលការណ៍ចម្រាញ់ជ្រើសរើសមន្ត្រី“អ្នកចេះជាប់” គ្មានការសូកប៉ាន់ដើម្បីប្រឡងជាប់។ ជាលទ្ធផលក្នុងរយៈ៣ឆ្នាំមកនេះ មន្ត្រីថ្មី១៧៨នាក់ បានជាប់ជាស្ថាពរ។
ទី២ ការបង្កើនចំណេះដឹងមន្ត្រីរាជការ តាមរយៈវគ្គបណ្តុះបណ្តាលភាសាអង់គ្លេសនាពេលថ្ងៃត្រង់នៅក្នុងក្រសួងពីម៉ោង ១២ដល់ម៉ោង២ រសៀល ពីថ្នាក់ Elementary-Intermediate Book។ ទី៣ ការផ្តល់អាហាររូបករណ៍ដល់មន្ត្រីរាជការដែលមិនមានលទ្ធភាពង់ថ្លៃសិក្សា។
ទី៤ក្រសួងបានបញ្ជូនមន្ត្រីឱ្យទៅសិក្សាជំនាញរដ្ឋបាលនៅសាលាភូមិន្ទរដ្ឋបាលចំនួន៥លើក សរុប ២៧៣រូប និង ការបញ្ជូនមន្ត្រីទៅសិក្សានៅបរទេស។ និងទី៥ ក្រសួងបារៀបចំវគ្គបណ្តុះបណ្តាលជំនាខ្លីដល់មន្ត្រីនៅក្រសួងចំនួន៣លើក( វគ្គកល្យាណី ពិធីការ និងសង្គ្រោះបឋម) ។
ការពង្រឹងសមត្ថភាពខាងលើនេះ នៅមិនទាន់រាប់បញ្ចូលការបំពាក់រថយន្តចំនួន៨៤គ្រឿងដែលក្រសួងបានចែកជូនពីមន្ត្រីថ្នាក់ប្រធាននាយកដ្ឋាន រហូតដល់ ដល់ថ្នាក់រដ្ឋលេខាធិការ។ នៅថ្ងៃខាងមុខនេះ ក្រសួងគ្រោងនឹងផ្តល់រថយន្តចំនួន២៥គ្រឿងបន្ថែមទៀតជូនប្រធានមន្ទីរនៅទូទាំងប្រទេស។
ឯកឧត្តមសាយ សំអាល់ រដ្ឋមន្តី្រក្រសួងបរិស្ថាន បានបញ្ជាក់ថា ការធ្វើទំនើបកម្មស្ថាប័ន ជាការរួមចំណែយ៉ាងសំខាន់ដល់ដំណើរការអនុវត្តកម្មវិធីជាតិកំណែទម្រង់រដ្ឋបាលសាធារណៈ ដើម្បប្រសិទ្ធភាពការងារ ជំនឿទុកចិត្ត និងភាពប្រសើរឡើងនៃការផ្តល់សេវាសាធារណៈជូនដល់ប្រជាពលរដ្ឋ៕
