សហភាពអឺរ៉ុបអបអរសាទរចំពោះការពង្រីកតំបន់បេតិកភណ្ឌធម្មជាតិរហូត៩០ម៉ឺនហិកតា

សហភាពអ៊ឺរ៉ុបនៅថ្ងៃពុធ ទី២១ ខែមិថុនានេះ បានចេញផ្សាយការអបអរសាទរចំពោះក្រសួងបរិស្ថាន ដែលបានដាក់បន្ថែមតំបន់បេតិភណ្ឌធម្មជាតិប្រមាណ៩០ម៉ឺនហិកតានៅទូទាំងប្រទេស។ ជាពិសេសសហគមន៍តំបន់ការពារ ដែលក្រសួងបានផ្តល់យន្តការផ្នែកច្បាប់ដ៏មានសារសំខាន់ ដើម្បីពង្រឹងការការពារសត្វព្រៃ ធនធានជីវចម្រុះ និងធនធានធម្មជាតិ ទន្ទឹមនឹងនោះការគាំទ្ររបស់ក្រសួងក៏បានជួយជីភាពរបស់សហគមន៍ផងដែរ។ នេះបើយោងតាមគេហទំព័រហ្វេសប៊ុកផ្លូវការណ៍របស់សហភាពអឺរ៉ុប។

សូមបញ្ជាក់ថា គិតមកដល់ឆ្នាំ២០១៧នេះ ក្រសួងបរិស្ថានបានសម្រេចដាក់បញ្ចូលតំបន់ការពារធម្មជាតិចំនួន​៤៦​កន្លែង និងរបៀងអភិរក្សជីវៈចម្រុះចំនួន៣តំបន់ដែលគ្របដណ្តប់លើផ្ទៃដីសរុបប្រមាណ​៧,៣លានហិកតានៅ​ទូទាំង​ប្រទេស។ ថ្មីនេះ រដ្ឋាភិបាលកម្ពុជាតាមរយៈសំណើររបស់ក្រសួងបរិស្ថាន បានសម្រេចដាក់តំបន់បេតិក​ភណ្ឌភ្នំយ៉ាតដែលមានផ្ទៃដីប្រមាណជិត៣ម៉ឺន២ពាន់ហិកតាដែលធ្លាប់ជាតំបន់សង្គ្រាម៕

ដោយ៖ ស៊ុន មេសា