លោកជំទាវ ចាន់ សុម៉ាលី អនុរដ្ឋលេខាធិការក្រសួងបរិស្ថាន បានដឹកនាំក្រុមការងារនៃអគ្គលេខាធិការដ្ឋាន ក.ជ.អ.ច. ជួបពិភាក្សាជាមួយ តំណាងរដ្ឋបាលខេត្តសៀមរាប មន្ទីរបរិស្ថាន រដ្ឋបាលស្រុកបន្ទាយស្រី
ថ្ងៃ ចន្ទ, 12 តុលា, 2020ថ្ងៃទី១២ ខែតុលា ឆ្នាំ២០២០ លោកជំទាវ ចាន់ សុម៉ាលី អនុរដ្ឋលេខាធិការក្រសួងបរិស្ថាន បានដឹកនាំក្រុមការងារនៃអគ្គលេខាធិការដ្ឋាន ក.ជ.អ.ច. ជួបពិភាក្សាជាមួយ តំណាងរដ្ឋបាលខេត្តសៀមរាប មន្ទីរបរិស្ថាន រដ្ឋបាលស្រុកបន្ទាយស្រី មេឃុំ មេភូមិ និងអ្នកពាក់ព័ន្ធដើម្បីត្រៀមរៀបចំយុទ្ធនាការដាំកូនឈើស្តារព្រៃនៅតាមព្រំប្រទល់ និងក្នុងបរិវេណនៃមជ្ឈមណ្ឌលស្រាវជ្រាវ និង អភិរក្សកេសរកូល សុខ អាន ភ្នំគូលែន នៅថ្ងៃទី២៧ ខែតុលា ឆ្នាំ២០២០។
នៅក្នុងកិច្ចប្រជុំនេះ លោកជំទាវបានជម្រាបពីគោលបំណងនៃការបង្កើតមជ្ឈមណ្ឌល គោលបំណងនៃយុទ្ធនាការ និងបានសម្របសម្រួលជ្រើសរើសទីតាំងសម្រាប់ដាំដើមឈើផងដែរ។
ជាលទ្ធផលរដ្ឋបាលខេត្ត ស្រុក អាជ្ញាធរមូលដ្ឋាន និងប្រជាពលរដ្ឋប្ដេជ្ញាចូលរួមក្នុងយុទ្ធនាការនេះ ដោយក្នុងនោះរដ្ឋបាលឃុំនឹងធ្វើការកំណត់ប្រជាពលរដ្ឋក្រីក្រដែលត្រូវចូលរួមក្នុងយុទ្ធនាការនិងទទួលបានថវិកាឧបត្ថម្ភពីគម្រោងBESD នៅពេលខាងមុខ។
