ក្រសួងបរិស្ថានទទួលជំនួយស្ថានីយត្រួតពិនិត្យគុណភាពខ្យល់ និងឧបករណ៍វាស់កម្រិតសំឡេងនិងរំញ័រ របស់ប្រទេសចិន

ក្រសួងបរិស្ថាននៅថ្ងៃសុក្រ ៣កើត ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងនាថ្ងៃទី១៤ ខែឧសភា ឆ្នាំ២០២១ នៅកំពង់ផែស្វ័យ័តក្រុងព្រះសីហនុ បានទទួលស្ថានីយត្រួតពិនិត្យគុណភាពខ្យល់ចំនួន១០ និងឧបករណ៍វាស់កម្រិតសំឡេងនិងរំញ័រ ក្នុង១មុខ១០គ្រឿង និងសម្ភារបរិក្ខារមួយចំនួន ដែលជាជំនួយរបស់ក្រសួងអេកូឡូស៊ីនិងបរិស្ថាននៃសាធារណរដ្ឋប្រជាមានិតចិន។ សូមបញ្ជាក់ថា ជំនួយនេះស្ថិតក្រោមគម្រោងសហប្រតិបត្តិការអាកាសធាតុចិនត្បូង-ត្បូង ស្តីពីកិច្ចសហប្រតិបត្តិការក្នុងការបង្កើតតំបន់បង្ហាញកាបូនទាប ដែលបានចុះហត្ថលេខានាថ្ងៃទី២១ ខែតុលា ឆ្នាំ២០១៩។ តាមគម្រោងផែនការ ក្រសួងបរិស្ថាននឹងរៀបដំឡើង ស្ថានីយត្រួតពិនិត្យគុណភាពខ្យល់ និងសម្ភារបរិក្ខារទាំងនេះនៅតាមទីតាំងគោលដៅចំនួន១០នៅតាមបណ្តារាជធានី ខេត្ត មានដូចជា រាជធានីភ្នំពេញចំនួន២ទីតាំង ខេត្តស្វាយរៀង ខេត្តស្ទឹងត្រែង ខេត្តកំពង់ធំ ខេត្តព្រះវិហារ ខេត្តសៀមរាប ខេត្តបន្ទាយមានជ័យ ខេត្តកំពង់ស្ពឺ និងខេត្តព្រះសីហនុ៕