ឯកឧត្តម សុខ គាង ប្រគេនទៀនវស្សា និងទេយ្យទាន ដល់ព្រះសង្ឃនិងជួបសំណេះសំណាលជាមួយគ្រូបង្រៀន និងសិស្សានុសិស្ស ក្នុងស្រុកព្រៃនប់ ខេត្តព្រះសីសហនុ

ឯកឧត្តម សុខ គាង អនុរដ្ឋលេខាធិការក្រសួងបរិស្ថាន នាថ្ងៃពុធ ៤រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៨ ខែកក្កដា ឆ្នាំ២០២១ បានដឹកនាំក្រុមការងារអគ្គនាយកដ្ឋានចំណេះដឹង និងព័ត៌មានបរិស្ថាន នាំយកទៀនវស្សា និងទេយ្យទាន ប្រគេនដល់ព្រះសង្ឃដែលគង់នៅក្នុងចំនួន២វត្ត រួមមាន៖ វត្តវត្តតានៃ ក្នុងឃុំតានៃ និងវត្តវាលមាស ក្នុងឃុំវាលរេញ ស្រុកព្រៃនប់ ខេត្តព្រះសីហនុ។ ក្នុងឱកាសនោះដែរ ឯកឧត្តម អនុរដ្ឋលេខាធិការ និងក្រុមការងារ បានជួបសំណេះសំណាលជាមួយ លោកគ្រូ អ្នកគ្រូ និងសិស្សានុសិស្ស នៃសាលាបឋមសិក្សា ជម្ពូខ្មៅ ក្នុងឃុំទួលទទឹង ស្រុកព្រៃនប់ ខេត្តព្រះសីហនុ។ ក្រុមការងារបាន ជូនសៀវភៅសម្បត្តិធម្មជាតិ និងថវិកាមួយចំនួនដល់គណៈគ្រប់គ្រងសាលា ដើម្បីរៀបចំតម្លើងជើងអំពូលសូឡាបំភ្លឺក្នុងបរិវេណសាលា និងកែលម្អបរិស្ថានក្នុងសាលារៀនឲ្យប្រសើរថែមទៀត។ ជាមួយគ្នានេះ ឯកឧត្តម សុខ គាង និងក្រុមការងារ បានប្រគល់សម្ភារៈសិក្សាមួយចំនួន ដល់សិស្សានុសិស្សផងដែរ៕