ដំណឹងល្អ៖ កូនខ្សឹបញាស់ថ្មីដែលជាសត្វជិតផុតពូជក្នុងលោក បង្ហាញពីការអភិរក្សជោគជ័យ

កូនខ្សឹបមួយក្បាលត្រូវបានមន្ត្រីឧទ្យានុរក្សរបស់ក្រសួងបរិស្ថាន និងអង្គការសមាគមអភិរក្សសត្វព្រៃ WCS បានប្រទះឃើញទើបតែនឹងញាស់នៅក្នុងតំបន់ការពារទេសភាពទំនាបខាងជើងទន្លេសាបក្នុងខេត្តកំពង់ធំ។ សត្វខ្សឹប ឬក្ងោកទេព ជាប្រភេទរងគ្រោះជិតផុតពូជបំផុតនៅលើសាកល លោក ខណៈចំនួនរបស់វានៅលើសាកលលោកមានតិចជាង៨០០ក្បាល។ កម្ពុជា គឺជាប្រទេសដ៏សំខាន់បំផុតនៅលើសាកលលោកដើម្បីអភិរក្ស សត្វខ្សឹបនេះកុំឲ្យបាត់បង់ ខណៈចំនួនរបស់សត្វខ្សឹបនៅក្នុងប្រទេស កម្ពុជានៅឆ្នាំ២០១២ មានប្រមាណ៤៣២ក្បាល។ ការញាស់កូនខ្សឹប ឬក្ងោកទេពនេះ គឺជាការបង្ហាញពីកិច្ចការងារពារសត្វកម្រនេះប្រកបដោយប្រសិទ្ធភាព ដែលអនុគ្រោះដល់ការបន្តពូជនៃសត្វក្រោកទេពនេះ។

ទីជម្រកវាលស្មៅនៃតំបន់ទំនាបទន្លេសាបក្នុងខេត្តកំពង់ធំគាំទ្រដល់ការរស់នៅរបស់សត្វខ្សឹបច្រើនជាងគេបង្អស់នៅលើសាកលលោក និងមាន សារៈសំខាន់បំផុតសម្រាប់ការរស់រានមានជីវិតរបស់ពួកវា។
សូមចូលរួមអភិរក្សទាំងអស់គ្នា ដោយឈប់បរបាញ់ ប្រមូលពងកូន និងបំផ្លាញទីជម្រកធម្មជាតិ របស់ពួកវា។

សម្រួលដោយ៖ ស៊ុន មេសា ដកស្រង់ពី៖ WCS cambodia