គម្រោងវាយតម្លៃតម្រូវការបច្ចេកវិទ្យា និងផែនការដើម្បីគាំទ្រដល់ការអនុវត្តបច្ចេកវិទ្យាមេត្រីភាពបរិស្ថានរួមចំណែកឆ្លើយតបនឹងការអភិវឌ្ឍឆាប់រហ័សរបស់ខេត្តព្រះសីហនុ

នេះជាការលើកឡើង របស់ឯកឧត្តម វ៉ាន់ មុនីនាថ អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាព ក្នុងពិធីផ្សព្វផ្សាយបើកគម្រោងវាយតម្លៃតម្រូវការបច្ចេកវិទ្យា និងផែនការដើម្បីគាំទ្រដល់ការអនុវត្តបច្ចេកវិទ្យាមេត្រីភាពបរិស្ថាន សម្រាប់តំបន់សេដ្ឋកិច្ចពិសេសនៅខេត្តព្រះសីហនុ រៀបចំឡើងនៅថ្ងៃពុធ ថ្ងៃទី១១ ខែសីហា ឆ្នាំ២០២១ តាមប្រព័ន្ធអនឡាញនាយកដ្ឋានវិទ្យាសាស្រ្ត និងបច្ចេកវិទ្យា នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាពសហការជាមួយអង្គការអភិវឌ្ឍន៍ឧស្សាហកម្មសហប្រជាជាតិ (UNIDO) និងមានការចូលរួមពីតំណាងក្រសួង ស្ថាប័នរដ្ឋ មន្ទីរជំនាញ រដ្ឋបាលខេត្តព្រះសីហនុ វិស័យឯកជន តំណាងតំបន់សេដ្ឋកិច្ចពិសេស អង្គការសង្គមស៊ីវិល តំណាងសាកលវិទ្យាល័យ អ្នកជំនាញ និងអ្នកស្រាវជ្រាវ សរុបប្រមាណ៧០ រូប។