សិក្ខាសាលាចែករំលែកបទពិសោធស្ដីពី “ការគ្រប់គ្រងធនធានធម្មជាតិ និងអភិរក្សជីវៈចម្រុះនៅតំបន់ទេសភាព” តាមរយៈប្រព័ន្ធបច្ចេកវិទ្យា Zoom

សិក្ខាសាលានេះ បានបន្តប្រព្រឹត្តទៅរយៈពេល១ព្រឹក ដែលដឹកនាំដោយលោកជំទាវ ចាន់ សុម៉ាលី អនុរដ្ឋលេខាធិការក្រសួងបរិស្ថាន និងជានាយិកាគម្រោងកាំប៉ាស់។ ជាលទ្ធផល អង្គការដៃគូ និងអ្នកពាក់ព័ន្ធបានធ្វើការចែករំលែកបទពិសោធន៍ និងករណីសិក្សាល្អៗពាក់ព័ន្ធនឹងការគ្រប់គ្រងតំបន់ការពារទេសភាពកន្លងមក រួមមាន៖ ១)សមិទ្ធផលសង្ខេប និងភាពខ្លាំងនៃការអនុវត្តគម្រោងកាំប៉ាស់ ២)បទពិសោធន៍ស្ដីពីការសិក្សាស្រាវជ្រាវ និងការគ្រប់គ្រងទិន្នន័យជីវៈចម្រុះ ក្នុងដែនជម្រកសត្វព្រៃកែវសីមា ៣)បទពិសោធការងារលើកកម្ពស់ជីវភាព និងការចូលរួមរបស់សហគមន៍ក្នុងការអភិរក្សសត្វស្លាបជិតផុតពូជនៅដែនជម្រកសត្វព្រៃលំផាត់ (សហគមន៍ស្រែជ្រៃ និងសហគមន៍តំបន់ការពារធម្មជាតិអូរ៉ៃ) និង៤)បញ្ហា ប្រឈមនិង ដំណោះស្រាយ ក្នុងការអនុវត្តច្បាប់ តាមរយៈការពង្រឹងកិច្ចសហប្រតិបត្តិការ និងការប្រើប្រាស់ប្រព័ន្ធបច្ចេកវិទ្យា៕