កម្ពុជាកំពុងពិនិត្យជ្រើសរើសធនាគារអភិវឌ្ឍន៍កសិកម្មនិងជនបទជាយន្តការហិរញ្ញប្បទានបៃតង

សូមបញ្ជាក់ថា កិច្ចពិភាក្សាលើការរៀបចំស្ថាប័នហិរញ្ញប្បទានបៃតងសម្រាប់កម្ពុជា នេះ បានរៀបចំឡើងកាលពីចុងសប្តាហ៍កន្លងទៅ នៅទីស្តីការក្រសួងបរិស្ថាន តាមប្រព័ន្ធអនឡាញ ដោយមានការចូលរួម ថ្នាក់ដឹកនាំ និងតំណាងនៃអគ្គលេខាធិការនៃក្រុមប្រឹក្សាអភិវឌ្ឍន៍ដោយចីរភាព ក្រសួងបរិស្ថាន ក្រសួងសេដ្ឋកិច្ច ធនាគារជាតិនៃកម្ពុជា ធនាគារអភិវឌ្ឍន៍កសិកម្មនិងជនបទ ក្រុមការងារបច្ចេកទេសប្រែប្រួលអាកាសធាតុអន្តរក្រសួង ដៃគូ Mekong Strategic Partners និងតំណាងធនាគារអភិវឌ្ឍន៍អាហ្វ្រិកខាងត្បូងចំនួន៣៣ នាក់។ ក្រុមការងារអន្តរបានពិនិត្យពិភាក្សាជាច្រើនលើក លើការជ្រើសរើសធនាគារអភិវឌ្ឍន៍ជនបទនិងកសិកម្ម(ARDB) ជាធនាគារមួយបំពេញតួរនាទីសមស្របសម្រាប់កម្ពុជាធ្វើការប្រតិបត្តិហិរញ្ញប្បទាននេះ ឆ្លើយតបទៅនឹងកិច្ចគាំពារបរិស្ថាន ការអភិរក្សជីវៈចម្រុះ និងការអភិវឌ្ឍន៍ដោយចរីភាព។