ឯកឧត្តម រ័ត្ន វិរៈ អញ្ជើញប្រគល់ប័ណ្ណសរសើរមេត្រីភាពបរិស្ថានដល់មន្រ្តីឧទ្យានុរក្ស ដែលមានស្នាដៃឆ្នើមក្នុងការបំពេញនូវភារកិច្ច
ថ្ងៃ ចន្ទ, 16 សីហា, 2021មន្ត្រីឧទ្យានុរក្សចំនួន៥រូប បានទទួលនូវប័ណ្ណសរសើរមេត្រីភាពបរិស្ថាន ដែលមានស្នាដៃឆ្នើមក្នុងការបំពេញនូវភារកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ។ ការប្រគល់ជូននូវប័ណ្ណសរសើរជូនមន្ត្រីឧទ្យានុរក្សនេះ បានព្រឹត្តទៅក្នុងពិធីជួបសំណេះសំណាលជាមួយថ្នាក់ដឹកនាំមន្ទីរ និងមន្រ្តីក្រោមឱវាទ នៃមន្ទីរបរិស្ថានខេត្តក្រចេះ ក្រោមអធិបតីភាពឯកឧត្តម រ័ត្ន វិរៈ អនុរដ្ឋលេខាធិការក្រសួងបរិស្ថាន។
ក្នុងឱកាសនោះដែរ ឯកឧត្តម រ័ត្ន វីរៈ បានសម្តែងនូវការកោតសរសើ និងលើកទឹកចិត្តចំពោះការខិតខំប្រឹងប្រែងអស់ពីកម្លាំងកាយចិត្តរបស់បងប្អូនមន្ត្រីឧទ្យារុរក្ស ក៏ដូចជាក្រុមងារងារនៃមន្ទីរបរិស្ថានខេត្តក្រចេះ ដែលមិនគិតពីការនឿយហត់ក្នុងការបំពេញនូវភារកិច្ចកន្លងមក។ ជាមួយគ្នានេះ ឯកឧត្តមក៏បានផ្តល់អនុសាសន៍ល្អៗ និងជាបទពិសោធដល់មន្រ្តីក្រោមឱវាទ ជាពិសេសនាំនូវការសួរសុខទុក្ខពីឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ជូនដល់មន្ត្រីទាំងអស់គ្នាផងដែរ។
គួររម្លឹកឱ្យដឹងថា ពិធីសំណេះសំណាលដល់ថ្នាក់ដឹកនាំមន្ទីរ និងមន្រ្តីក្រោមឱវាទនៃមន្ទីរបរិស្ថានខេត្តក្រចេះ បានប្រព្រឹត្តទៅនៅរសៀលថ្ងៃសុក្រ ៥កើត ខែស្រាពណ៍ ឆ្នាំ ឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៣ ខែសីហា ឆ្នាំ២០២១៕
ព័ត៌មានបន្ថែម
ថ្ងៃ អង្គារ, 29 កញ្ញា, 2026
កម្ពុជា-ជប៉ុន ពង្រឹងកិច្ចសហប្រតិបត្តិការលើការវិនិយោគស្អាត និងបៃតងដើម្បីឆ្លើយតបនឹងការប្រែប្រួលអាកាសធាតុសកល
