រួមគ្នាការពារនិងអភិរក្សឧទ្យានជាតិកែប!

នៅមន្ទីរបរិស្ថានខេត្តកែបកាលពីថ្ងៃទី២៨ ខែសីហា ឆ្នាំ២០២១ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថានទទួលបន្ទុកខេត្តកែប និងឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប បានជួបសំណេះសំណាលលើកទឹកចិត្ត និងអរគុណមន្ត្រីឧទ្យានុរក្សដែលបានលះបង់កម្លាំងកាយចិត្តបញ្ញា ក្នុងបុព្វហេតុបរិស្ថាននិងធនធានធម្មជាតិ។ មន្ត្រីឧទ្យានុរក្សដែលឈរជើងការពារនិងអភិរក្សឧទ្យានជាតិកែបដែល មានស្នាដៃឆ្នើមចំនួន ៥ រូបបានទទួលបណ្ណសរសើរ។ ជាមួយគ្នានេះ ក្រសួងបរិស្ថានបានផ្តល់ជូនសម្ភារមួយចំនួនដើម្បីបម្រើឱ្យការងារការចុះល្បាតផងដែរ។