ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសំណេះសំណាល និងផ្តល់អនុសាសន៍ដល់បេក្ខជនជ័យលាភីអាហារូបករណ៍ការអភិវឌ្ឍធនធានមនុស្សរបស់ប្រទេសជប៉ុន (JDS-2020)
ថ្ងៃ ចន្ទ, 6 កញ្ញា, 2021នាព្រឹក ថ្ងៃចន្ទ ១៤រោច ខែស្រាពណ៍ ត្រីស័ក ព.ស ២៥៦៥ ត្រូវនឹងថ្ងៃទី០៦ ខែកញ្ញា ឆ្នាំ២០២១ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបសំណេះសំណាល និងផ្តល់អនុសាសន៍ដល់បេក្ខជនជ័យលាភីអាហារូបករណ៍ការអភិវឌ្ឍធនធានមនុស្សរបស់ប្រទេសជប៉ុន (JDS-2020) ចំនួន ២៦នាក់ មុននឹងប្អូនចេញដំណើរទៅសិក្សានៅប្រទេសជប៉ុន នាពេលខាងមុខនេះ។ ឯកឧត្តមរដ្ឋមន្រ្ដី បានថ្លែងអបអរសាទរចំពោះប្អូនៗទទួលបានឱកាសអភិវឌ្ឍន៍សមត្ថភាព ជាពិសេសឱកាសសិក្សាស្វែងយល់ផ្ទាល់នៅប្រទេសជប៉ុនអំពីភាពជោគជ័យ ភាពខ្លាំង បទពិសោធន៍ល្អៗនៃប្រពន្ធ័រៀបចំសង្គម សេដ្ឋកិច្ច ឧស្សាហ៍កម្ម និងសហគ្រិនភាពរបស់ជប៉ុន។
បន្ថែមលេីសពីនេះ ឯកឧត្តមរដ្ឋមន្ត្រី ក៏បានចែករំលែកបទពិសោធន៍នៅក្នុងការទៅសិក្សាក្រៅប្រទេស ជាពិសេសលើកទឹកចិត្តឱ្យប្អូនៗប្រឹងប្រែងរៀនសូត្រអភិវឌ្ឍន៍សមត្ថភាពខ្លួន បង្កេីតទំនាក់ទំនងល្អៗជាមួយមិត្តបរទេស ស្គាល់ការវិវត្តន៍ពិភពលោក ស្គាល់ជប៉ុន និងស្គាល់ខ្លួនឯង ដេីម្បីយកចំណេះជំនាញមកអភិវឌ្ឍន៍សង្គមជាតិកម្ពុជា៕
ព័ត៌មានបន្ថែម
