សន្និសីទថ្នាក់រដ្ឋមន្រ្តី ស្តីពីសំរាមសមុទ្រ និងការបំពុលប្លាស្ទិក

ឯកឧត្តម វ៉ាន់ មុនីនាថ អគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាព និងជាប្រធានប្រតិភូបានដឹកនាំគណៈប្រតិភូក្រសួង និងក្រុមការងារប្លាស្ទិក នៅថ្ងៃពុធ និងថ្ងៃព្រហស្បតិ៍ ៩ និង១០ រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១-២ ខែកញ្ញា ឆ្នាំ២០២១ បានចូលរួមសន្និសីទថ្នាក់រដ្ឋមន្រ្តី ស្តីពីសំរាមសមុទ្រនិងការបំពុលប្លាស្ទិក តាមប្រព័ន្ធវីដេអូ ដែលរៀបចំឡើងដោយកម្មវិធីបរិស្ថានអង្គការសហប្រជាជាតិ និងមានអ្នកចូលរួមពីបណ្តាប្រទេសលើពិភពលោក អង្គការដៃគូអន្តរជាតិ និងភាគីពាក់ព័ន្ធសរុបប្រមាណ១៥០០ នាក់។ កិច្ចប្រជុំបានពិនិត្យលើលទ្ធផលនៃកិច្ចប្រជុំត្រៀម និងសេចក្តីព្រាងសេចក្តីថ្លែងការណ៍រដ្ឋមន្រ្តី ស្តីពីសំរាមសមុទ្រនិងការបំពុលប្លាស្ទិក ដែលបណ្តាប្រទេសជាច្រើនបានធ្វើបទអន្តរាគមន៍គាំទ្រ និងស្នើឱ្យមហាសន្និបាតបរិស្ថានសហប្រជាជាតិបង្កើតគណៈកម្មាធិការចចារអន្តររដ្ឋាភិបាលមួយ ដើម្បីបន្តពិនិត្យពិភាក្សាលើកិច្ចព្រមព្រៀងសកលថ្មីមួយនេះ ដើម្បីប្រយុទ្ធប្រឆាំងនឹងសំរាមសមុទ្រនិងការបំពុលប្លាស្ទិកសកល។