សាលាបឋមសិក្សា ហ៊ុន សែន ក្រុង ក្នុងក្រុងព្រះសីហនុ បានបំភ្លឺដោយអំពូលសូឡានិងការររៀបចំអនាម័យបរិស្ថាន

សាលាបឋមសិក្សា ហ៊ុន សែន ក្រុង ក្នុងក្រុងព្រះសីហនុ ខេត្តព្រះសីហនុ សូមថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ដែលបានផ្តល់អំណោយជា អំពូលបានទទួលអំពូលសូឡាចំនួន៣០បង្គោល សម្រាប់បំភ្លឺបរិវេណសាលារៀន។ គណ:គ្រប់គ្រងសាលារៀន បានចាត់ទុកថាអំណោយនេះបានទគិតគូរដល់សុវត្ថិភាព និងសុខភាពបុគ្គលិកសិក្សា លោកគ្រូ អ្នកគ្រូ និងសិស្សានុសិស្ស។ លើសពីនេះ ឯកឧត្តម សាយ សំអាល់ បានផ្តល់ជូន ធុងចម្រោះទឹកស្អាត ចំនួន ១គ្រឿងទៀត ជូនសាលារៀន ដើម្បីផ្តល់ទឹកស្អាតសម្រាប់បរិភោគ ការចូលរួមថែរក្សាបរិស្ថាន និងការចំណាយរបស់បុគ្គលិក សាស្រ្តាចារ្យ និងសិស្សនិសិត្ស ទៅលើការទិញទឹកបរិភោគ។ សូមបញ្ជាក់ថា កន្លងមក សាលាបឋមសិក្សាក្រុង បានចូលរួមប្រតិបត្តិសកម្មភាពមេត្រូីភាពបរិស្ថានបានល្អ និងទទួលបានបណ្ណសរសើរមេត្រីភាពបរិស្ថានពីក្រសួងបរិស្ថានផងដែរ៕