បិទបញ្ចប់អង្គសិក្ខាសាលាស្តីពីការត្រួតពិនិត្យវឌ្ឍនភាពការងារគ្រប់គ្រងតំបន់ការពារធម្មជាតិឆ្នាំ ២០២១ និងលើកទិសដៅការងារឆ្នាំ២០២២ ក្រោមអធិបតីភាពឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន
ថ្ងៃ សុក្រ, 10 ធ្នូ, 2021ក្រោយពីដំណើរការរយៈពេល ២ ថ្ងៃ អង្គសិក្ខាសាលាស្តីពីការត្រួតពិនិត្យវឌ្ឍនភាពការងារគ្រប់គ្រងតំបន់ការពារធម្មជាតិឆ្នាំ ២០២១ និងលើកទិសដៅការងារឆ្នាំ២០២២ ប្រារព្ធពិធីបើកក្រោមអធិបតីភាពឯកឧត្តម ស្រ៊ុន ដារិទ្ធ រដ្ឋលេខាធិការក្រសួងបរិស្ថាន ត្រូវបានបិទបញ្ចប់ដោយជោគជ័យនៅរសៀលថ្ងៃទី៩ ខែធ្នូ ឆ្នាំ២០២១ ក្រោមអធិបតីភាពឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន។
សិក្ខាសាលារយៈពេល ២ ថ្ងៃដែលមានការចូលរួមពីមន្ត្រីនៃអគ្គនាយកដ្ឋានរដ្ឋបាលការពារនិងអភិរក្សធម្មជាតិ ប្រធាន និងអនុប្រធានមន្ទីរនៃមន្ទីរបរិស្ថានខេត្តរាជធានី នាយកដែនជម្រកសត្វព្រៃ នាយកឧទ្យានជាតិ និងអង្គការដៃគូក្នុងកិច្ចអភិរក្ស និងបានផ្តោតលើកិច្ចការការពារនិងអភិរក្សធនធានធម្មជាតិ ការអភិរក្សតំបន់សមុទ្រ និងការអនុវត្តច្បាប់។
រូបភាពដោយ ឆែម ប៊ុនធឿន
