ពិធីចុះហត្ថលេខាលើគម្រោង Kusanone ផ្តល់រថយន្តប្រមូលសំរាមពីប្រទេសជប៉ុនចំនួន១០គ្រឿង ជូនក្រសួងបរិស្ថាន

ជាមួយគ្នានេះ ឯកឧត្តម ឯកអគ្គរាជទូតជប៉ុនប្រចាំកម្ពុជា បានលើកឡើងអំពីទំនាក់ទំនងល្អរវាងរដ្ឋាភិបាលជប៉ុន និងរដ្ឋាភិបាលកម្ពុជា ក្នុងកិច្ចសហការលើគ្រប់វិស័យ ក្នុងនោះ កិច្ចសហការក្នុងវិស័យបរិស្ថាន គឺជាកិច្ចការចម្បងចំពោះមុខផងដែរ។ ក្នុងនាមស្ថានទូតជប៉ុនប្រចាំនៅកម្ពុជា និងក្នុងនាមឯកឧត្តមផ្ទាល់ សូមវាយតម្លៃខ្ពស់ និងកោតសរសើរដល់ក្រសួងបរិស្ថាន ក្នុងកិច្ចការគ្រប់គ្រងបរិស្ថានកម្ពុជា និងជាពិសេសការគ្រប់គ្រងសំរាម សំណល់រឹង ដែលបាននិងកំពុងអភិវឌ្ឍ និងធ្វើទំនើបកម្មកាន់តែប្រសើរឡើង។ ពិតណាស់ ការគ្រប់គ្របងសំរាម សំណល់រឹង គឺជារឿងស្មុគស្មាញ និងពិបាក ហើយត្រូវការពេលវេលា ក្នុងនោះដែរការបណ្ដុះការយល់ដឹង និងការចូលរួមរបស់ប្រជាពលរដ្ឋ គឺជាកិច្ចការដែលទាមទារពេលវេលា និងភាពអត់ធ្មត់។ ទន្ទឹមនេះ តម្រូវការសម្ភារ រួមជាមួយការចូលរួមរបស់ប្រជាពលរដ្ឋ ជាកត្តាសំខាន់នាំដល់ភាពជោគជ័យក្នុងគ្រប់គ្រងបញ្ហានេះ។ ដើម្បីរួមចំណែកនេះ ស្ថានទូតជប៉ុនចូលរួមចំណែកផ្តល់ជូននូវរថយន្តដឹកសំរាមចំនួន១០គ្រឿង ដល់ក្រសួងបរិស្ថាន ដើម្បីផ្តល់ជូនដល់រដ្ឋបាលថ្នាក់ក្រោមជាតិ ចំនួន ១០ ខេត្ត ដើម្បីរួមចំណែកក្នុងដំណើរប្រែក្លាយកម្ពុជាប្រកបដោយបរិស្ថានស្អាត៕