ជំនួបរវាងឯកឧត្តមរដ្ឋមន្ត្រី និងអគ្គរដ្ឋទូតសហភាពអឺរ៉ុបប្រចាំតំបន់អាស៊ាន និងអគ្គរដ្ឋទូតសហភាពអឺរ៉ុបប្រចាំកម្ពុជា

ឯកឧត្តម Igor Driesmans បានមានប្រសាសន៍លើកឡើងនូវការគិតគូរអំពីកិច្ចសហប្រតិបត្តិការ «បៃតង» នៅក្នុងក្របខណ្ឌអាស៊ាន-អឺរ៉ុប ដែលនឹងក្លាយជាកត្តាជំរុញបន្ថែមទៀតនូវរបៀបវារៈពាក់ព័ន្ធនឹងវិស័យបរិស្ថាន នៅ ក្នុងតំបន់អាស៊ាន។ កិច្ចសហប្រតិបត្តិការបៃតងអាស៊ាន-អឺរ៉ុបនេះ នឹងរួមមាននូវ គំនិតផ្ដួចផ្ដើមថ្មីៗ ជាអាទិ៍ហិរញ្ញប្បទាននិងការវិនិយោគប្រកបដោយចីរភាព ការជំរុញសេដ្ឋកិច្ចបៃតង ការគ្រប់គ្រងតំបន់ការពារធម្មជាតិ ថាមពលស្អាត និងការបន្ស៊ាំនិងកាត់បន្ថយផលប៉ះពាល់ពីការប្រែប្រួលអាកាសធាតុ ជាដើម។ សហភាពអឺរ៉ុបក៏នឹងស្នើឱ្យមានកិច្ចប្រជុំថ្នាក់រដ្ឋមន្ត្រីបរិស្ថានអាស៊ាន-អឺរ៉ុប នៅក្នុងពេលខាងមុខនេះផងដែរ។