វគ្គបណ្តុះបណ្តាលស្តីពី «ភាពជាអ្នកដឹកនាំ និងសមភាពយេនឌ័រក្នុងការគ្រប់គ្រងធនធានធម្មជាតិ»

លោកជំទាវ ព្រំ សុភី មានប្រសាសន៍ថា៖ក្រៅពីការយកចិត្តទុកដាក់ចំពោះមន្រ្តីរាជការ ក្រសួងបរិស្ថានក៏បានគិតគូរផងដែរពីសមភាពក្នុងការអភិវឌ្ឍមូលដ្ឋាន តាមរយៈការចងក្រងសហគមន៍តំបន់ការពារធម្មជាតិ ដែលធ្វើឡើងក្នុងគោលបំណង សំខាន់ គឺ ១)ផ្តល់សិទ្ធិស្របច្បាប់ដល់សហគមន៍មូលដ្ឋានក្នុងការចូលរួមគ្រប់គ្រងធនធានធម្មជាតិ និង ២) ចូលរួមចំណែកលើកកម្ពស់ជីវភាពសហគមន៍មូលដ្ឋាន តាមរយៈការប្រើប្រាស់អនុផលព្រៃឈើប្រកបដោយចីរភាព និងការផ្តល់សេវាទេសចរណ៍ធម្មជាតិ ព្រមទាំងបង្កើតមុខរបរផ្សេងៗទៀតស្របតាមលក្ខខណ្ឌរបស់សហគមន៍នីមួយៗ ដែលក្នុងនោះ ការរួមបញ្ចូលនូវការបង្កើនចំណេះដឹងដល់សមាជិកសហគមន៍ ជាពិសេសសមាជិកស្រ្តី ជាបញ្ហាដែលត្រូវយកចិត្តទុកដាក់ ដើម្បីពង្រឹងសមត្ថភាពស្រ្តីក្នុងការអភិវឌ្ឍសហគមន៍ស្របទៅតាមភាពរីកចម្រើននៃសង្គមជាតិ។ហើយគ្រូបង្គោលយេនឌ័រ របស់យើងនឹងសម្របសម្រួល និងធ្វើបទបង្ហាញចែករំលែកជូនដល់សិក្ខាកាមទាំងអស់ ឱ្យយល់ដឹងស៊ី ជម្រៅពីទស្សនទានយេនឌ័រ និងបរិបទនៃការគ្រប់គ្រងប្រកបដោយសមភាពយេនឌ័រ ដើម្បីសហការក្នុងការគាំទ្ររាល់សកម្មភាពដែលជំរុញឱ្យមានការចូលរួម និងបង្កើននូវការចូលរួមរបស់ស្ត្រីឱ្យបានកាន់តែច្រើនក្នុងការអភិវឌ្ឍខ្លួន គ្រួសារ ស្ថាប័ន និងសង្គមជាតិ។