សិក្ខាសាលាស្តីពីការផ្តើមនិងពិគ្រោះយោបល់ជាមួយអ្នកពាក់ព័ន្ធគម្រោងលើកកម្ពស់ការគ្រប់គ្រងព្រៃឈើប្រកបដោយចីរភាព តាមរយៈការប្រើប្រាស់អភិក្រមនវានុវត្តន៍
ថ្ងៃ អង្គារ, 29 មិនា, 2022ក្រុមការងាររៀបចំគោលនយោបាយយុទ្ធសាស្រ្តដាំឈើលើដីឯកជន និងការដាំឈើនៅទីប្រជុំជននិងទីធ្លាសាធារណៈនៃក្រសួងបរិស្ថាន សហការជាមួយអង្គការ FAO បានរៀបចំសិក្ខាសាលាស្តីពីការផ្តើមនិងពិគ្រោះយោបល់ជាមួយអ្នកពាក់ព័ន្ធ គមម្រោងលើកកម្ពស់ ការគ្រប់គ្រងព្រៃឈើប្រកបដោយចីរភាព តាមរយៈការប្រើប្រាស់អភិក្រមនវានុវត្តន៍ ដែលដឹកនាំដោយ ឯកឧត្តម ជា សំអាង រដ្ឋលេខាធិការក្រសួងបរិស្ថាន។ សិក្ខាសាលាដែលប្រព្រឹត្តទៅនៅសណ្ឋាគារសាន់វេ នាថ្ងៃទី២៩ ខែមីនា ឆ្នាំ២០២២នេះ ក៏មានការអញ្ជើញចូលរួមពី អគ្គនាយកដ្ឋានពាក់ព័ន្ធចំណុះក្រោមក្រសួងបរិស្ថាន តំណាងរដ្ឋបាលព្រៃឈើ តំណាងក្រសួងរៀបចំដែនដី នគរូបនីយកម្ម និងសំណង់ ក្រសួងសាធារណៈការ និងដឹកជញ្ជូន តំណាងសាលារាជធានីភ្នំពេញ សាលកវិទ្យាល័យ និងដៃគូអភិវឌ្ឍន៍ UNDP, ADB, Worldbank, SDC, GGGI, CSIP ជាច្រើនរូបទៀត។
សិក្ខាសាលានេះ បានរៀបចំឡើងក្នុងគោលបំណងសំខាន់ៗរួមមាន៖ ១)ជូនដំណឹងដល់ភាគីពាក់ព័ន្ធ និងដៃគូ អំពីវិធីសាស្រ្ត លទ្ធផលរំពឹងទុក និងការអនុវត្តគម្រោង ២)ស្វែងរកកិច្ចសហប្រតិបត្តិការជាមួយដៃគូសំខាន់ៗ ៣)ដើម្បីពិភាក្សាអំពីរបៀបបង្កើត និងទទួលគំនិតផ្តួចផ្តើមរួមមួយ និង៤)ប្រមូលធាតុចូលពីភាគីពាក់ព័ន្ធសម្រាប់ឆ្ពោះទៅមុខ អនុសាសន៍គោលនយោបាយលើដើមឈើធនធានក្រៅព្រៃឈើ សម្រាប់កម្ពុជា៕
ព័ត៌មានបន្ថែម
ថ្ងៃ ព្រហស្បតិ៍, 30 កក្កដា, 2026
ពាណិជ្ជករកាណាដាបានបង្ហាញការចាប់អារម្មណ៍យ៉ាងខ្លាំង ក្នុងការពង្រីកកិច្ចសហប្រតិបត្តិការលើវិស័យបរិស្ថាននៅកម្ពុជា។
