រដ្ឋមន្ត្រីបរិស្ថាន៖ ការបណ្តុះបណ្តាលគឺនាំឱ្យកម្ពុជាអាចប្រកួតប្រជែង និងឆ្ពោះទៅដល់ត្រើយសុភមង្គល

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននៅថ្ងៃទី១៦ ខែតុលានេះ បានអញ្ជើញជាអធិបតីភាពក្នុងពិធីប្រគល់សញ្ញាបត្រថ្នាក់បរិញ្ញាបត្រ និងថ្នាក់បរិញ្ញាបត្ររងជូនដល់និស្សិតនៅសាកលវិទ្យាល័យអន្តរជាតិ។

ថ្លែងទៅកាន់និស្សិតទទួលជ័យលាភី ឯកឧត្តមរដ្ឋមន្ត្រី បានអបអរសាទរដល់និស្សិត និងក្រុមគ្រួសាររបស់និស្សិតដែលទទួលបានជ័យលាភី។ ទន្ទឹមនឹងនេះ ឯកឧត្តមរដ្ឋមន្ត្រី បានគូសបញ្ជាក់ថា ធនធានមនុស្សទាំងអស់នេះហើយ គឹជាធនធានដែលនឹងនាំនាវាកម្ពុជាឆ្ពោះទៅកាន់ត្រើយសុភមង្គលពីព្រោះថាមានតែការប្រើប្រាស់ខួរក្បាលតែប៉ុណ្ណោះដែលនឹងរុញកម្ពុជាឱ្យមានលទ្ធភាពក្នុងការប្រកួតប្រជែងជាមួយបណ្តាប្រទេសក្នុងតំបន់ និងអន្តរជាតិ ហើយការសិក្សាតាមប្រព័ន្ធបច្ចេកវិទ្យាគឺជាមូលដ្ឋានមួយដែលនឹងអនុញ្ញាតឱ្យអ្នកសិក្សាទាំងឡាយតាមទាន់បរិបទសង្គមពិភពលោកដែលកំពុងតែវិវឌ្ឍឥតឈប់ឈរ៕