សាស្ត្រាចារ្យនិងនិស្សិតសាលាជាតិកសិកម្មព្រែកលៀប ទទួលចំណេះដឹងស្តីពីការប្រែប្រួលអាកាសធាតុ
ថ្ងៃ ពុធ, 18 តុលា, 2017នៅរសៀលថ្ងៃទី១៧និង១៨ ខែតុលា ឆ្នាំ២០១៧ ដោយមានការគាំទ្រពីកម្មវិធីសម្ព័ន្ធភាពប្រែប្រួលអាកាសធាតុកម្ពុជា(CCCA) នាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព បានរៀបចំសិក្ខាសាលាបណ្តុះបណ្តាលស្តីពីការប្រែប្រួលអាកាសធាតុសម្រាប់សាស្ត្រាចារ្យ និងនិស្សិតនៅសាលាជាតិកសិកម្មព្រែកលៀប ចំនួន១៩៣នាក់ ដើម្បីបង្កើនសមត្ថភាពនិងការយល់ដឹងស្តីពីការប្រែប្រួលអាកាសធាតុ ក្រោមអធិបតីភាព លោក ឡាំ ខ័នណាឬទ្ធិ នាយករងសាលាជាតិកសិកម្មព្រែកលៀប និងលោក ស៊ុ ធី ប្រធាននាយកដ្ឋានប្រែប្រួលអាកាសធាតុ នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព។
ចំណេះដឹងសំខាន់ៗស្តីពីការប្រែប្រួលអាកាសធាតុ បានផ្តោតទៅលើ ១)មូលហេតុ និង ផលប៉ះពាល់នៃការប្រែប្រួលអាកាសធាតុ ២) ការឆ្លើយតបរបស់ថ្នាក់ជាតិ និងអន្តរជាតិ ៣) ជម្រើសបន្សុំាទៅនឹងការប្រែប្រួលអាកាសធាតុ ៤) ជម្រើសកាត់បន្ថយ ៥) ធីសាស្រ្តគណនាដានកាបូន និង៦) ការគ្រប់គ្រងចំណេះដឹងប្រែប្រួលអាកាសធាតុ ដែលបង្ហាញដោយមន្រ្តីជំនាញនៃនាយកដ្ឋានប្រែប្រួលអាកាសធាតុ និងកម្មវិធីសម្ព័ន្ធភាពប្រែប្រួលអាកាសធាតុកម្ពុជា(CCCA)៕
