កិច្ចពិភាក្សា លើការអនុវត្តតួនាទីភារកិច្ចការផ្តល់សេវាសាធារណៈ ការគ្រប់គ្រងចំណូលមិនមែនសារពើពន្ធ និងការអនុវត្តកិច្ចលទ្ធកម្មសាធារណៈរបស់ក្រសួងបរិស្ថាន និងអង្គភាពក្រោមឱវាទ ក្នុងការិយបរិច្ឆេទឆ្នាំ២០២១ និងបណ្តាលឆ្នាំពាក់ព័ន្ធ

ឯកឧត្តមរដ្ឋលេខាធិការប្រចាំការ បានលើកឡើងពីវឌ្ឍនភាពនៃការគ្រប់គ្រង និងរចនាសម្ព័ន្ធគ្រប់គ្រងរបស់ក្រសួងបរិស្ថាន ក្នុងគោលដៅទំនើបកម្មស្ថាប័ន និងការបម្រើប្រជាពលរដ្ឋកាន់តែប្រសើឡើង។ លើសពីនេះទៀតក្រសួងបរិស្ថានបានរៀបចំចលនាប្រឡងប្រណាំងអង្គភាពគំរូវិស័យបរិស្ថាន ដែលបានអនុវត្តលើ៤ វិស័យ គឺ ផែននាយកដ្ឋានទីស្តីការក្រសួង ផែនមន្ទីរបរិស្ថានរាជធានីខេត្ត ផែនតំបន់ការពារធម្មជាតិ និងផែនសហគមន៍តំបន់ការពារធម្មជាតិ ក្នុងគោលបំណងបំផុសចលនាលើកកម្ពស់ប្រសិទ្ធភាពការងារ អនាម័យ គុណភាពការងារ និងការផ្តល់សេវាសាធារណៈ។

ឯកឧត្តមរដ្ឋលេខាធិការប្រចាំការ បានណែនាំដល់គ្រប់អង្គភាពចំណុះក្រសួងសូមធ្វើកិច្ចសហការខ្ពស់ជាមួយប្រតិភូ និងត្រូវរៀបចំសម្របសម្រួលផែនការអនុវត្តការងារជំនាញឱ្យការងារអធិការកិច្ចនេះទទួលបានភាពជោគជ័យ និងរៀបចំកិច្ចប្រជុំបូកសរុបលទ្ធផលការងារ។