ឯកឧត្តម ជួប ប៉ារីស៍ អញ្ជើញបើកសិក្ខាសាលាស្តីពីរៀបចំផែនការអនុវត្តគម្រោងរេដបូក ដែនជម្រកសត្វព្រៃកែវសីមាក្នុងឆ្នាំសារពើពន្ធ២០២២-២០២៣

សិក្ខាសាលាស្តីពីរៀបចំផែនការអនុវត្តគម្រោងរេដបូក ដែនជម្រកសត្វព្រៃកែវសីមាក្នុងឆ្នាំសារពើពន្ធ២០២២-២០២៣ ធ្វើឡើងក្នុងគោលបំណងសំខាន់ៗមួយចំនួនរួមមាន៖ ១)ពិនិត្យ និងបង្ហាញនូវលទ្ធផលការអនុវត្តគម្រោងប្រចាំឆ្នាំ និងកត្តានានាដែលជាឧបសគ្គ ឬបញ្ហាប្រឈម និងឱកាសក្នុងការអនុវត្តគម្រោង ២)រៀបចំផែនការសកម្មភាពសម្រាប់ឆ្នាំសារពើពន្ធ(០១ កក្កដា ២០២២ ដល់៣០ មិថុនា ២០២៣) ពិសេសប្រមូលធាតុចូល និងមតិយោបល់ពីភាគីពាក់ព័ន្ធ ដើម្បីអនុវត្តគម្រោងកាន់តែប្រសើរឡើង និង៣)ពង្រឹងកិច្ច សហប្រតិបត្តិ ការជាមួយក្រសួងបរិស្ថាន មន្ទីរបរិស្ថាន អាជ្ញាធរ មូលដ្ឋាន ភាគីពាក់ព័ន្ធ និង សហគមន៍មូលដ្ឋានក្នុងការអនុវត្តគម្រោងរេដបូក ដែនជម្រកសត្វព្រៃកែវសីមា កាន់តែមានប្រសិទ្ធភាព។