សិក្ខាសាលាពិគ្រោះយោបល់ស្តីពីជំហររបស់កម្ពុជាសម្រាប់សន្និសីទកំពូលរដ្ឋភាគីនៃអនុសញ្ញាសហប្រជាជាតិស្តីពីជីវៈចម្រុះ លើកទី១៥ (UNCBD COP-15)

សិក្ខាសាលានេះរៀបចំឡើងក្នុងគោលបំណងដើម្បីចែករំលែកព័ត៌មានអំពីបែបបទ នីតិវិធី និងកម្មវិធីពាក់ព័ន្ធនឹងសន្និសីទ​ UNCBD COP-15 ដែលនឹងប្រព្រឹត្តទៅចាប់ពីថ្ងៃទី៧-១៩ ខែធ្នូ ឆ្នាំ២០២២ នៅទីក្រុងម៉ុងរ៉េអាល់ នៃប្រទេសកាណាដា។​ តាមរយៈកិច្ចពិភាក្សា​ អង្គសិក្ខាសាលាក៏បានពិនិត្យ​ ផ្តល់យោបល់ និងឯកភាពលើការរៀបចំសេចក្ដីព្រាងជំហររបស់កម្ពុជា និងសេចក្តីថ្លែងការណ៍រួមអាស៊ាន​ សម្រាប់សន្និសីទ UNCBD COP-15 ដើម្បីបន្តដាក់ជូន និងស្នេីសុំគោលការណ៍ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា​ នាពេលខាងមុខ៕