សិក្ខាសាលាពិគ្រោះយោបល់លើការរៀបចំគោលការណ៍ណែនាំស្តីពី “ការគ្រប់គ្រងហិរញ្ញវត្ថុសាធារណៈរបស់ក្រសួងបរិស្ថាន”
ថ្ងៃ ពុធ, 21 ធ្នូ, 2022ក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ ក្រសួងបរិស្ថាន បានរៀបចំសិក្ខាសាលាពិគ្រោះយោបល់លើការរៀបចំគោលការណ៍ណែនាំស្តីពី “ការគ្រប់គ្រងហិរញ្ញវត្ថុសាធារណៈរបស់ក្រសួងបរិស្ថាន” ក្រោមអធិបតីភាពឯកឧត្តម សៅ សុភាព រដ្ឋលេខាធិការក្រសួងបរិស្ថាន និងមានការអញ្ជើញចូលរួមពីតំណាងអង្គភាពថវិកាថ្នាក់កណ្តាល ថ្នាក់មន្ទីររាជធានី ខេត្ត និងសហគ្រាសសាធារណៈ សរុប១០០នាក់។
សិក្ខាសាលានេះ ធ្វើឡើងក្នុងគោលបំណងប្រមូលធាតុចូលដើម្បីកែតម្រូវទៅលើសេចក្តីព្រាងមាតិកា និងខ្លឹមសារគោលការណ៍ណែនាំស្តីពី “ការគ្រប់គ្រងហិរញ្ញវត្ថុសាធារណៈរបស់ក្រសួងបរិស្ថាន” ដែលនឹងក្លាយជាបរិធាន ឬជាឧបករណ៍គតិយុត្តិណែនាំដល់ការប្រតិបត្តិរបស់អង្គភាពថវិកានីមួយៗ ចំណុះក្រសួងបរិស្ថាន ដោយផ្តោតចម្បងទៅលើក្របខ័ណ្ឌការរៀបចំផែនការថវិកា ការគ្រប់គ្រងហិរញ្ញវត្ថុ ការគ្រប់គ្រងទ្រព្យសម្បត្តិរដ្ឋ ការងារសវនកម្ម ការងារត្រួតពិនិត្យ និងវាយតម្លៃការអនុវត្តថវិកា…។ល។
ព័ត៌មានបន្ថែម
