សិក្ខាសាលាពិគ្រោះយោបល់ស្ដីពី ហិរញ្ញប្បទានប្រកបដោយចីរភាពសម្រាប់ទេសចរណ៍ធម្មជាតិក្នុងតំបន់ការពារធម្មជាតិ និងរបៀងអភិរក្សជីវៈចម្រុះ
ថ្ងៃ ពុធ, 22 កុម្ភៈ, 2023ឯកឧត្តម សៅ សុភាព រដ្ឋលេខាធិការ និងជាប្រធានអង្គភាពអនុវត្តគម្រោង «និរន្តរភាពតំបន់ទេសភាព និងទេសចរណ៍ធម្មជាតិកម្ពុជា» បានអញ្ជើញជាអធិបតីក្នុងសិក្ខាសាលាពិគ្រោះយោបល់ស្ដីពី ហិរញ្ញប្បទានប្រកបដោយចីរភាពសម្រាប់ទេសចរណ៍ធម្មជាតិក្នុងតំបន់ការពារធម្មជាតិ និងរបៀងអភិរក្សជីវៈចម្រុះ ដោយមានការចូលរួមពីឯកឧត្តម ខៀវ បូរិន អនុរដ្ឋលេខាធិការ និងជានាយកគម្រោង ឯកឧត្តម ម៉េង មុនីរក្ស អគ្គនាយករងនៃអគ្គនាយកដ្ឋានគោលនយោបាយ និងយុទ្ធសាស្រ្ត តំណាងក្រសួងទេសចរណ៍ តំណាងអង្គការ UNDP តំណាងធនាគារពិភពលោក អង្គការពាក់ព័ន្ធ និងវិស័យឯកជន សរុបចំនួន ៤០នាក់។
សិក្ខាសាលានេះត្រូវបានរៀបចំឡើងក្នុងគោលបំណង (១) បង្ហាញ និងពិភាក្សាអំពីផែនទីបង្ហាញផ្លូវ ដើម្បីប្រតិបត្តិការជម្រើសហិរញ្ញប្បទានសម្រាប់ទេសចរណ៍ធម្មជាតិប្រកបដោយនិរន្តរភាព (២) ពិភាក្សាអំពីបញ្ហាប្រឈម ដែលអាចនឹងកើតមានឡើង គំនិតផ្ដួចផ្ដើមថ្មី និងសក្ដានុពលនៃផលប៉ះពាល់នានាទៅលើផែនទីបង្ហាញផ្លូវ ដែលបានស្នើឡើង សម្រាប់ផ្នែកទេសចរណ៍ធម្មជាតិថ្នាក់ជាតិ និង(៣) ពិភាក្សាអំពីការពិចារណាពាក់ព័ន្ធសម្រាប់ការអនុវត្តផែនទីបង្ហាញផ្លូវ និងសកម្មភាពរយៈពេលខ្លីនិងមធ្យម ឆ្នាំ២០២៣-២០២៤។
ព័ត៌មានបន្ថែម
