សិក្ខាសាលាស្តីពីផលប៉ះពាល់នៃវត្តមានលោហៈធ្ងន់ក្នុងផលិតផលប្រើប្រាស់ និងសំណល់បរិក្ខារអគ្គិសនី និងអេឡិចត្រូនិកលើសុខភាព និងបរិស្ថាន

សិក្ខាសាលានេះ បានរៀបចំឡើងដោយនាយកដ្ឋានគ្រប់គ្រងសារធាតុគ្រោះថ្នាក់ក្នុងគោលបំណងដើម្បីលើកកម្ពស់ការយល់ដឹងអំពីផលប៉ះពាល់ដល់សុខភាព និងបរិស្ថានដោយសារធាតុគ្រោះថ្នាក់ក្នុងផលិតផលប្រើប្រាស់ និងសំណល់បរិក្ខារអគ្គីសនី និងអេឡិចត្រូនិក តាមរយៈការចែករំលែកពត័មាននៃការសិក្សាស្រាវជ្រាវជាតិ និងអន្តរជាតិ ដល់និសិ្សតទាំងអស់ ឱ្យមានការប្រុងប្រយត្ន័ខ្ពស់ក្នុងការជ្រើសរើសផលិតផលយកមកប្រើប្រាស់ ដោយជៀសវាងការប្រើប្រាស់ផលិតផលគ្នានប្រភពច្បាស់លាស់ ឬពុំមានការអនុញ្ញាតពីស្ថាប័នមានសមត្ថកិច្ចឱ្យចរាចរណ៍លើទីផ្សារ ដែលអាចបង្កផលប៉ះពាល់ដល់សុខភាព ហើយព្រមទាំងជំរុញការចូលរួមក្នុងការទុកដាក់សំណល់បរិក្ខាអគ្គិសនី និងអេឡិចនិកឱ្យបានត្រឹមត្រូវនៅតាមទីតាំងដែលក្រសួងបរិស្ថាននឹងរៀបចំឡើង ដើម្បីទប់ស្កាត់ការសាយភាយសារធាតុគ្រោះថ្នាក់ចូលទៅក្នុងបរិស្ថាន និងដើម្បីការពារសុខភាពសាធារណៈ៕