ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបលោក Will Parks តំណាង អង្គការ UNICEF ថ្មី ប្រចាំនៅកម្ពុជា
ថ្ងៃ ពុធ, 22 មិនា, 2023នារសៀល ថ្ងៃទី២១ ខែមីនា ឆ្នាំ២០២៣ នៅទីស្តីការក្រសួងបរិស្ថាន ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានទទួលជួបលោក Will Parks តំណាង អង្គការ UNICEF ថ្មី ប្រចាំនៅកម្ពុជា។
លោក Will Parks បានកោតសរសើរកម្ពុជា ដែលបានអនុម័តនូវរបាយការណ៍បច្ចុប្បន្នភាពការចូលរួមចំណែករបស់ជាតិ ដើម្បីអនុវត្តអនុសញ្ញាក្របខ័ណ្ឌសហប្រជាជាតិស្តីពីការប្រែប្រួលអាកាសធាតុ (Updated NDC) និងយុទ្ធសាស្ត្រអភិវឌ្ឍន៍រយៈពេលវែងប្រកបដោយអព្យាក្រឹតកាបូន (LTS4CN) ដែលជាមូលដ្ឋានដ៏សំខាន់សម្រាប់អង្គការ UNICEF បង្កើតនូវកិច្ចសហការជាមួយក្រសួងបរិស្ថាន។ លោកបានបញ្ជាក់ថា កម្មវិធីក្របខ័ណ្ឌប្រចាំប្រទេសឆ្នាំ២០២៤-២០២៨ នឹងបញ្ចូលការងារប្រែប្រួលអាកាសធាតុ ពិសេសគិតគូរអំពីសុខភាពបរិស្ថាន សម្រាប់កុមារ ទីធ្លាបៃតង ស្អាត និងអនាម័យ ព្រមទាំងការរៀបចំសន្ទស្សន៍ហានិភ័យអាកាសធាតុសម្រាប់កុមារផងដែរ។
ឆ្លៀតក្នុងឱកាសនោះ ឯកឧត្តមរដ្ឋមន្ត្រី បានអរគុណដល់អង្គការ UNICEF ដែលបានធ្វើបេសកកម្មយ៉ាងសកម្មនៅកម្ពុជាកន្លងមក។ ឯកឧត្តមរដ្ឋមន្រ្តី បានស្នើឱ្យអង្គការ UNICEF រៀបចំផែនការថ្មីត្រូវស្របតាមគោលនយោបាយ ស្ថានភាព និងដំណើរវិវត្តន៍របស់កម្ពុជា និងស្នើឱ្យបន្តគាំទ្រលើបញ្ហាសុខភាព និងអាហារូបត្ថម្ភសម្រាប់កុមារ និងជួយជំរុញឱ្យកុមារបានរៀនសូត្រអំពីបំណិនជីវិត។ ឯកឧត្តមរដ្ឋមន្រ្តី ក៏បានជំរុញឱ្យអង្គការ UNICEF គាំទ្រលើការអនុវត្តគោលនយោបាយ និងផែនការសកម្មភាពជាតិ ស្តីពីសុខភាពសិក្សាផងដែរ៕
ព័ត៌មានបន្ថែម
ថ្ងៃ ព្រហស្បតិ៍, 27 វិច្ឆិកា, 2025
ឯកឧត្តមបណ្ឌិត អ៊ាង សុផល្លែត៖ ក្រសួងបរិស្ថានបន្តជំរុញសកម្មភាពតាមផែនការយុទ្ធសាស្រ្តរបស់រាជរដ្ឋាភិបាលឆ្ពោះទៅភាពស្អាតនិងបង្កើនគម្របបៃតងនៅកម្ពុជា
ថ្ងៃ ពុធ, 26 វិច្ឆិកា, 2025
កិច្ចប្រជុំលើកទី១៖ ក្រសួងបរិស្ថាន និង EU ជំរុញការគ្រប់គ្រងសំណល់ប្លាស្ទិក តាមរយៈគម្រោងប្លាស្ទិកឆ្លាតវៃកម្ពុជា
