កិច្ចប្រជុំគណៈកម្មាធិការប្រតិបត្តិលើកទី៣០ នៃក្រុមប្រឹក្សាអង្គការអន្តរជាតិភាពជាដៃគូក្នុងការគ្រប់គ្រងបរិស្ថានសមុទ្រនៅអាស៊ីបូព៌ា (PEMSEA)

នៅទីស្តីការក្រសួងបរិស្ថាន ថ្ងៃទី២៨ ខែមីនា ឆ្នាំ២០២៣ ឯកឧត្តម វ៉ាន់ មុនីនាថ អគ្គនាយកគោលនយោបាយនិងយុទ្ធសាស្រ្ត និងជាប្រធានក្រុមប្រឹក្សា PEMSEA បានដឹកនាំកិច្ចប្រជុំគណៈកម្មាធិការប្រតិបត្តិលើកទី៣០ តាមប្រព័ន្ធវីដេអូ ដែលមានការចូលរួមពីតំណាងប្រទេសនៅក្នុងតំបន់សមុទ្រអាស៊ីបូព៌ា តំណាងស្ថាប័នដៃគូ និងលេខាធិការដ្ឋាន PEMSEA សរុប២២ រូប។ ជាលទ្ធផល អង្គប្រជុំបានពិភាក្សា និងអនុម័តលើការងារមួយចំនួន ដែលរួមមាន ១. ក្របខណ្ឌនិងផែនការតាមដាន និងវាយតម្លៃការអនុវត្តយុទ្ធសាស្រ្តអភិវឌ្ឍន៍ប្រកបដោយចីរភាពនៅក្នុងតំបន់សមុទ្រអាស៊ីបូព៌ាឆ្នាំ២០២៣-២០២៧ ២.ការជ្រើសរើសនាយកប្រតិបត្តិរបស់ PEMSEA សម្រាប់អាណ្ណត្តថ្មី ឆ្នាំ២០២៤-២០២៦ ៣. យុទ្ធសាស្រ្តទ្រទ្រង់ដល់និរន្តរភាពនៃដំណើរការ និងការធ្វើបច្ចុប្បន្មភាពលក្ខន្តិកៈអភិបាលកិច្ចរបស់ PEMSEA ៤.វឌ្ឍនភាពការងាររបស់គម្រោងថ្នាក់តំបន់និង ៥. លើកកម្ពស់ការចូលរួមរបស់ PEMSEA នៅក្នុងវេទិកាអន្តរជាតិ និងតំបន់។