រកឃើញត្រីទឹកសាបប្រភេទថ្មីនៅកម្ពុជា

ត្រីទឹកសាបមួយប្រភេទដែលមានខ្លួនបង្កង់វែងក្នុងចំណោមត្រីចំនួន៧ប្រភេទ ត្រូវបានគេរកឃើញក្នុងដៃបឹងនៃឧទ្យានជាតិបូគោ។ នេះគឺជាការរកឃើញរបស់អ្នកជំនាញអង្គការសត្វព្រៃពិភពលោក និងអ្នកជំនាញបរិស្ថានកម្ពុជាដែលបានផ្សព្វផ្សាយក្នុងរបាយការណ៍លើការស្រាវជ្រាវសត្វចំនួន១១៥ប្រភេទកាលពីឆ្នាំ២០១៦។ ត្រីទឹកសាបនេះ ត្រូវបានអ្នកវិទ្យាសាស្ត្របញ្ជាក់ថាស្ថិតនៅក្នុងអំបូរ Schistura kampucheensis។ អ្នកស្រាវជ្រាវក្នុងស្នាដៃថ្មីនេះ មកពីអង្គការសត្វព្រៃពិភពលោក អ្នកជំនាញមកពីសាកលវិទ្យាល័យភូមិន្ទភ្នំពេញ និងសាកលវិទ្យាល័យវិទ្យាសាស្ត្ររបស់សាធារណៈរដ្ឋឆេក។ ប្រធានក្រុមស្រាវជ្រាវបានលើកឡើងថា ពួកគេសប្បាយចិត្តណាស់ចំពោះការរកឃើញត្រីទឹកសាបប្រភេទថ្មីនេះ៕
ប្រភពរូប៖ភ្នំពេញប៉ុស្តិ៍