ក្រសួងបរិស្ថានគោរពវិញ្ញាណក្ខន្ធមន្ត្រីអាវុធហត្ថ​និងមន្ត្រីអង្គការWCS

នៅថ្ងៃទី០១ ខែកុម្ភៈ ឆ្នាំ២០១៨ វេលាម៉ោង ៨:៣០នាទីព្រឹក ប្រតិភូក្រសួងបរិស្ថាន ដឹកនាំដោយឯកឧត្ដម យិន គិមស៊ាន រដ្ឋលេខាធិការ តំណាងដ៏ខ្ពង់ខ្ពស់ឯកឧត្ដមរដ្ឋមន្ត្រី បានដឹកនាំក្រុមប្រតិភូចូលរួមពិធីបុណ្យសព រំលែកទុក្ខ និងបំពាក់គ្រឿងឥស្សរិយយសដល់សព ព្រមទាំងបាននាំយកថវិកាជូនគ្រួសារសព លោក សេក វឌ្ឍនា មន្ត្រីកងរាជអាវុធហត្ថ នៅវត្តសន្សំកុសល រាជធានីភ្នំពេញ និងវេលាម៉ោង១១:០០ព្រឹក បានចូលរួម ពិធីបុណ្យសព រំលែកទុក្ខ និងបំពាក់គ្រឿងឥស្សរិយយសដល់សព ព្រមទាំងបាននាំយកថវិកាជូនគ្រួសារសព លោក ធុល ខ្នា មន្ត្រីអង្គការសមាគមអភិរក្សសត្វព្រៃ នៅខេត្តតាកែវ៕