នាយកដ្ឋានគ្រប់គ្រងគុណភាពខ្យល់និងសំឡេងបើកវគ្គបណ្តុះបណ្តាលការត្រួតពិនិត្យការបំពុលខ្យល់នៅសៀមរាប

នាថ្ងៃទី២១ ខែកុម្ភៈ ឆ្នាំ២០១៨ នៅមន្ទីរបរិស្ថានខេត្តសៀមរាប នាយកដ្ឋានគ្រប់គ្រងគុណភាពខ្យល់និងសំឡេង នៃអគ្គនាយកដ្ឋានគាំពារបរិស្ថាន បានរៀបចំសិក្ខាសាលាបណ្តុះបណ្តាល ស្តីពីការត្រួតពិនិត្យការបំពុលខ្យល់ ដែលបាននឹងប្រព្រឹត្តទៅ​រយៈ​ពេល​២ថ្ងៃ។

សិក្ខាសាលាដែលប្រកាសបើកដោយលោក ប៉ាក សុខារ៉ាវុត អគ្គនាយករង និងលោក តេក វណ្ណា អនុប្រធានមន្ទីរបរិស្ថានខេត្តសៀមរាប មានគោលបំណងផ្សព្វផ្សាយលិខិតបទដ្ឋានគតិយុត្តទាក់ទងការបំពុលខ្យល់ និងវិធីសាស្រ្តក្នុងការត្រួតពិនិត្យគុណភាពខ្យល់ដោយប្រើប្រាស់ឧបករណ៍ចល័តទៅដល់សិក្ខាកាមជាមន្ត្រីនៃមន្ទីរបរិស្ថាន រាជធានី ខេត្តទូទាំងប្រទេស ចូលរួមចំនួន៥៨ នាក់ ៕