ពិធីសម្ពោធជាផ្លូវការនូវស្លាកសញ្ញាក្រសួងបរិស្ថានកម្ពុជា និងក្រសួងបរិស្ថានជប៉ុននៃគម្រោង JCM នៅកម្ពុជា
ថ្ងៃ សុក្រ, 23 កុម្ភៈ, 2018នៅថ្ងៃព្រហស្បតិ៍ ៨កើត ខែផល្គុន ឆ្នាំរកា នព្វស័ក ព.ស. ២៥៦១ នឹងថ្ងៃទី ២២ ខែកុម្ភៈ ឆ្នាំ២០១៨ ឯកឧត្តម ជួប ប៉ារីស៍ អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព លោកស្រី
ឃ្លោក វិចិត្ររដ្ឋា និងលោក ឆាយ ខុម នៃនាយកដ្ឋានប្រែប្រួលអាកាសធាតុ លេខាធិការដ្ឋានJCMបានចូលរួមក្នុងពិធីសម្ពោធជាផ្លូវការនូវស្លាកសញ្ញាក្រសួងបរិស្ថានកម្ពុជា និងក្រសួងបរិស្ថានជប៉ុននៃគម្រោង JCM នៅកម្ពុជា នៅទីក្រុងសៀមរាប។ គណៈអធិបតីនៅក្នុងពិធីនេះរួមមាន ឯកឧត្តម ជួប ប៉ារីស៍ ឯកឧត្តម ពៅ ពិសិដ្ឋ អភិបាលរងខេត្តសៀមរាប ឯកឧត្តម ហុក ប៉េងសែ អគ្គនាយករងអជ្ញាធរអប្សរា ឯកឧត្តម ជា សុផាត សមាជិកក្រុមប្រឹក្សាខេត្ត លោក Kennichi Bessho សហប្រធានគណៈកម្មការ JCM និងជាអនុប្រធានស្ថានទូតជប៉ុនប្រចាំកម្ពុជា លោក Masayuki Imanaka ប្រធានក្រុមហ៊ុន មីណឺបៀរ និងសមាជិកចូលរួមប្រមាណ៤០នាក់។ បន្ទាប់ពីការថ្លែងសុន្ទរកថាស្វាគមន៍របស់អភិបាលរងខេត្ត និងលោក Bessho រួចមក ឯកឧត្តម ជួប ប៉ារីស៍ បានថ្លែងសុន្ទរកថាបើកអង្គពិធី ដោយឯកឧត្តមបានលើកឡើីងពីកិច្ចសហប្រត្តិបត្តការរវាងកម្ពុជា និងជប៉ុន ជាពិសេសក្រសួងបរិស្ថានកម្ពជា និងជប៉ុន ក្នុងការអនុវត្ត JCM នៅកម្ពុជា សំដៅចូលរួមអភិវឌ្ឍការបញ្ចេញកាបូនតិច ឆ្ពោះទៅការអភិវឌ្ឍដោយចីរភាព។ សមាជិកអង្គពិធីក៏បានចូលរួមមើលវីដេអូស្ដីពីការអភិវឌ្ឍទីក្រុងវៃឆ្លាតរបស់ក្រុមហ៊ុនមីណឺបៀរផងដែរ៕
